"بۇل وزگەرىستەر سالىمشىلار ءوز زەينەتاقى جيناقتارىنىڭ ءبىر بولىگىن باسقارۋعا اۋدارا الاتىن بجزق, قازاقستان ۇلتتىق بانكى جانە ينۆەستيتسيالىق پورتفەلدى باسقارۋشىلار اراسىنداعى كوميسسيالىق سىياقىنى ءبولۋدى, سونداي-اق ونىڭ شەكتى مولشەرلەردڭ دەڭگەيىنىڭ تومەندەۋىن كوزدەيدى.
قابىلدانعان تۇزەتۋلەرگە سايكەس, بجزق ءۇشىن تەك زەينەتاقى اكتيۆتەرىنەن كوميسسيا قۇرىلادى. سونىمەن بىرگە كورسەتىلگەن كوميسسيالىق سىياقىنىڭ شەكتى مولشەرى 60 پايىزعا – زەينەتاقى اكتيۆتەرىنەن ايىنا 0,025 پايىزدان 0,01 پايىزعا دەيىن تومەندەتىلدى", دەلىنگەن حابارلامادا.
سونىمەن بىرگە قازاقستان ۇلتتىق بانكىنىڭ ۇسىنىسىمەن ونىڭ كوميسسيالىق سىياقىنىڭ شەكتى مولشەرى ينۆەستيتسيالىق كىرىستىڭ 73 پايىزى – 7,5 پايىزدان 2,0 پايىزعا دەيىن تومەندەتىلدى.
بانك مالىمەتىنشە, ەگەر بۇرىن بجزق ينۆەستيتسيالىق كىرىستەن كوميسسيا العان بولسا, وندا جاڭا تالاپتارعا سايكەس سىياقى تىكەلەي ينۆەستيتسيالىق پورتفەلدى باسقارۋشىعا تۇسەدى. بۇل سالىمشىعا ينۆەستيتسيالىق پورتفەلدى باسقارۋشىنىڭ كوميسسيالىق سىياقىسى باقىلاۋعا مۇمكىندىك بەرىپ, وزىنە ءتيىمدى شارتتاردى تاڭداۋعا جاعداي جاسايدى.
