"ق.توقاەۆ: ءبىز قاستەرلى تاۋەلسىزدىگىمىزدىڭ 30 جىلدىق مەرەيلى مەجەسىنە قادام باستىق. سونداي-اق قازىرگى زامانعى قازاقستان پارلامەنتاريزمى شيرەك عاسىرلىق بەلەسكە جەتتى. وسى تاريحي كەزەڭدە سەنىم مانداتىنا يە بولعان دەپۋتاتتار ەل ءۇمىتىن اقتاپ, وتانىمىزعا ادال قىزمەت ەتەدى دەپ سەنەمىن", دەيدى مەملەكەت باسشىسى.
سونىمەن بىرگە پرەزيدەنت وتكەن شاقىرىلىمنىڭ دەپۋتاتتارىنا ويداعىداي قىزمەت اتقارعانى ءۇشىن ريزاشىلىن ءبىلدىردى.
"بەس جىلعا جۋىق ۋاقىتتا پارلامەنت قابىرعاسىندا 410 زاڭ قابىلداندى. دەپۋتاتتار وزدەرىنىڭ زاڭعا باستاماشىلىق ەتۋ قۇقىعىن پايدالانىپ, 60-قا جۋىق زاڭ جوباسىن دايىندادى. جاڭا دەپۋتاتتار الدىڭعى ارىپتەستەرىنىڭ وسى قارقىنىن ساقتاي وتىرىپ, اناعۇرلىم جەمىستى جۇمىس ىستەۋى قاجەت. سەبەبى ءبارىمىزدى زور مىندەتتەر مەن اۋقىمدى ىستەر كۇتىپ تۇر", دەيدى قازاقستان پرەزيدەنتى.
