قازاقستان • 14 قاڭتار، 2021

پراگادا قازاقستانداعى پارلامەنتتىك سايلاۋ قورىتىندىلارى تالقىلاندى

32 رەت كورسەتىلدى

قازاقستاننىڭ چەحياداعى ەلشىلىگىندە چەح ساراپشىلارى مەن باق وكىلدەرىنىڭ قاتىسۋىمەن قازاقستان رەسپۋبليكاسى پارلامەنتى ماجىلىسىنە سايلاۋ قورىتىندىلارىنا ارنالعان ونلاين-بريفينگ ءوتتى، دەپ حابارلايدى Egemen.kz

ءىس-شاراعا بىرقاتار جەرگىلىكتى باسىلىمداردىڭ وكىلدەرى قاتىستى: «چەح جاڭالىقتارى»، «پراگا جاڭالىقتارى»، «مەملەكەتتىك جاڭالىقتار»، «اقپاراتتىق پراگا»، «اللو، جاڭالىقتار»، «E15»، «چەحيا راديوسى»، «چەح ورتالىق تەلەارناسى»، سونداي-اق «Integral TV» ەۋروپالىق ينتەرنەت-پورتالىنىڭ وكىلدەرى قاتىستى.

قاتىسۋشىلارعا قازاقستاننىڭ سايلاۋ زاڭناماسىنداعى جاڭالىقتار، سايلاۋعا قاتىسقان ساياسي پارتيالار تۋرالى، سايلاۋ پروتسەسىنىڭ بارلىق قاتىسۋشىلارىنىڭ قاۋىپسىزدىگىن قامتاماسىز ەتۋ شارالارى تۋرالى، ءماجىلىس سايلاۋىنداعى داۋىس بەرۋدىڭ ناتيجەلەرى تۋرالى، سونداي-اق وتكەن سايلاۋعا حالىقارالىق بايقاۋشىلار مەن شەتەلدىك باق وكىلدەرىنىڭ بەرگەن باعالارى تۋرالى اقپارات بەرىلدى.

ءوز كەزەگىندە چەح ساراپشىلارى قازاقستاننىڭ ساياسي ومىرىندەگى وسى اسا ماڭىزدى وقيعاعا ۇلكەن قىزىعۋشىلىق تانىتىپ، قازاقستانداعى COVID-19 پاندەمياسى جاعدايىندا داۋىس بەرۋدىڭ جوعارى دەڭگەيدە ۇيىمداستىرىلعانىن اتاپ ءوتتى.

«پراگا جاڭالىقتارى» باسىلىمىنىڭ باس رەداكتورى الەش فليتچەر ءوز سوزىندە: «قازاقستانداعى سايلاۋ جوعارى دەڭگەيدە ءوتتى. بۇعان حالىقارالىق بايقاۋشىلاردىڭ، سونىڭ ىشىندە چەحيا وكىلدەرىنىڭ كوپتەگەن باعالارى دالەل. ماعان سايلاۋ ناۋقانىنىڭ ءوزى، اسىرەسە، قازاقستاننىڭ ساياسي تاجىريبەسىندە العاش رەت ەنگىزىلگەن «پرايمەريز» جۇيەسى ەرەكشە اسەر قالدىردى».

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار