ناگرادانى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جارلىعىنا سايكەس, قازاقستاننىڭ يتالياداعى ەلشىسى سەرگەي نۇرتاەۆ تابىس ەتتى. «دوستىق» وردەنى ازاماتتارعا حالىقتار اراسىنداعى بەيبىتشىلىكتى, دوستىقتى جانە ىنتىماقتاستىقتى نىعايتۋعا سىڭىرگەن ەڭبەگى ءۇشىن بەرىلەدى.
جوعارى ناگرادانى تابىستاي وتىرىپ, ەلشى ە.چيريەلليدىڭ ەكىجاقتى پارلامەنتارالىق ىنتىماقتاستىقتى دامىتۋعا زور ۇلەس قوسىپ وتىرعانىن اتاپ ءوتتى. ونىڭ تىكەلەي قولداۋىمەن يتاليا پارلامەنتىندە قازاقستانمەن دوستىق توبى قۇرىلدى, ونىڭ قۇرامىنا زاڭ شىعارۋشى ورگاننىڭ ەكى پالاتاسىنىڭ دا دەپۋتاتتارى كىرەدى. پارلامەنتتىك توپ سەرىكتەستىك قۇرۋدىڭ ماڭىزدى قۇرالى رەتىندە قىزمەت ەتەدى جانە پارلامەنتارالىق بايلانىستاردى نىعايتۋعا كومەكتەسەدى. ءوزىنىڭ قىزمەتى بارىسىندا توپ جەتەكشىسى ءبىزدىڭ ەلگە بىرنەشە رەت كەلىپ, قازاقستان باسشىلىعىمەن بىرقاتار كەزدەسۋلەرگە قاتىستى.
ە.چيريەللي تەك پارلامەنتارالىق ەمەس, سونداي-اق ەكونوميكالىق بايلانىستاردىڭ ودان ءارى كەڭەيۋىنە ىقپال ەتە وتىرىپ, قازاقستان ونى ءاردايىم ءوزىنىڭ سەنىمدى دوسى رەتىندە كورە الاتىندىعىن باسا ايتتى.
