ء«اموز» جشس قوعاممەن بايلانىس قىزمەتىنىڭ مالىمەتىنشە, قازاقستاندىق ءونىم REACH سەرتيفيكاتىن يەلەنىپ, ەۋرووداق نارىعىنا يمپورتتاۋعا ارنالعان حيميالىق زاتتار مەن ولاردىڭ قوسپالارىنىڭ ساپا دەڭگەيىن باعالاۋدىڭ تولىق راسىمىنەن ءوتىپتى.
«REACH رەگلامەنتىنە سايكەس, ەۋرووداقتا جىلىنا 1 توننادان استام مولشەردە وندىرىلەتىن نەمەسە يمپورتتالاتىن كەز-كەلگەن حيميالىق زات تىركەۋگە جاتادى. REACH سەرتيفيكاتى – ەۋروايماق ەلدەرى ءۇشىن تىركەلگەن بەنزين يمپورتتاۋشىسى بولىپ تابىلاتىن قازاقستاندىق كاسىپورىننىڭ ەكسپورتتىق مۇمكىندىگىن دامىتۋداعى ماڭىزدى قادام.
بىلتىرعى ساۋىردە ءاموز وندىرىسىندەگى حوش ءيىستى كومىرسۋتەكتەرى – بەنزول جانە پاراكسيلول REACH سەرتيفيكاتتاۋىنان ءوتتى. ال, بەنزين ەۋروپالىق ساپا ستاندارتتارىنا سايكەستىگى راستالعان كاسىپورىننىڭ ءۇشىنشى ءونىمى بولىپ وتىر» دەپ حابارلادى كاسىپورىننىڭ قوعاممەن بايلانىس قىزمەتىنەن.
REACH سەرتيفيكاتى اتىراۋدا شىعارىلعان جانارمايدىڭ ەۋرووداق ەلدەرىنىڭ نارىعىنا شىعۋىنا جول اشادى. ويتكەنى بۇل قۇجات ەۋروايماقتىڭ اۋماعىندا مويىندالعان.
