ول 40 گرادۋس ايازدا كوكونىس ءوسىرىپ ەڭبەك ەتەدى ەكەن. ول قاماۋدا جۇرگەنىنە قاراماستان ۇش اي بويى شالعام, قيار جانە اسكوك وسىرۋمەن اينالىسادى.
«شىنىمدى ايتسام جىلىجايدا قازىر قىس ەمەس, جاز مەزگىلى سياقتى. شامامەن 10 كۇن بويى بىزدە اياز بولدى, دالادا تەمپەراتۋرا 45 گرادۋسقا دەيىن تومەندەيدى. ال جىلىجايداعى اۋا تەمپەراتۋراسى + 23 گرادۋستى كورسەتەدى», – دەيدى سوتتالعان ازامات.
سەرگەي كۇن سايىن جىلىجايدا جۇمىس ىستەيدى, جۇمىسقا شاعىمدانبايدى. كەرىسىنشە, ول ءوز جۇمىستارىنىڭ ناتيجەلەرىن باقىلاۋشىلارعا قۋانىشپەن ۇسىنادى. باعباننىڭ ايتۋىنشا, ول جاقسى جالاقى الادى, ونىمەن تالاپ ارىزدارىن وتەۋدە. سوتتالعاندار جاڭا جىلدىق مەرەكەلىك كەشكى استى دايىنداۋدا جاڭا شالعام, قيار مەن اسكوكتەردى قولدانعان.
«بوستاندىقتا باقشاعا قامقورلىق جاساۋدى جاقسى كوردىم. وسى جەردە دە مەنىڭ سۇيىكتى جۇمىسىم تابىلدى. تاڭەرتەڭگى جۇمىسىم كوكونىستەردى سۋارۋدان جانە ارامشوپتەردى جۇلۋدان باستالادى. وسىرىلگەن اسكوك, اقجەلكەن, پياز, سارىمساق, قيار جانە شالعام جەرگىلىكتى اس ۇيدە بەلسەندى قولدانىلادى, ايتپاقشى, ءبىزدىڭ دارۋمەندەر جىل بويى داستارحان ۇستىندە. اسكوكتەر تەز وسەدى, ءار اپتا سايىن جيناپ الۋعا بولادى», - دەدى سەرگەي.
«قازىر كولونيادا 200-گە جۋىق سوتتالعان ادام جۇمىسقا ورنالاستىرىلدى, بۇل جازاسىن وتەۋشىلەردىڭ 90%-ى. جۇمىس – سوتتالعانداردىڭ تاربيەلىك شارالارىنىڭ بىرىنە ەنەدى», – دەپ ءتۇسىندىردى شقو بويىنشا قاج دەپارتامەنتى باستىعىنىڭ ورىنباسارى ادىلەت پولكوۆنيگى عالىمجان بالتاباەۆ.
