فەلدشەردىڭ ايتۋىنشا, اتىراۋ قالاسىنا تاياۋ ورنالاسقان ەركىنقالا اۋىلىنان شاقىرتۋ ءتۇسىپتى. ارنايى بريگاداسى مەكەنجايعا 10 مينۋتتا جەتىپ, جۇكتى انانى وبلىستىق پەريناتالدىق ورتالىققا جەتكىزۋگە بەت الادى. الايدا, جەدەل جاردەم كولىگىندە 20 جاستاعى جۇكتى انانىڭ تولعاعى قىسىپ, بوسانۋدىڭ بەلگىسى بايقالا باستاپتى.
سول ساتتە فەلدشەر ماعجان سۇيىنعاليەۆ 3 كيلو 200 گرامم سالماعى بار تورسىقتاي ۇلدىڭ ومىرگە كەلۋىنە قولۇشىن سوزدى. بريگاداداعى ارىپتەستەرى جاس بولسا دا وزىنە جۇكتەلگەن جاۋاپكەرشىلىكتى جەتە سەزىنگەن فەلدشەردىڭ كاسىبيلىگىنە ءتانتى بولدى. ول اناسىن دا, جەدەل جاردەم بريگاداسىنىڭ مۇشەلەرىن دە قۋانتىپ, ىڭگالاپ جاتقان نارەستەنىڭ كىندىگىن كەسىپ, پەريناتالدىق ورتالىققا امان-ەسەن جەتكىزدى. ال مۇنداعى اكۋشەرلەر ءسابيدىڭ دە, اناسىنىڭ جاعدايىن قاناعاتتانارلىق دەپ باعالاپ وتىر.
– بۇل – مەنىڭ مىندەتىم. ءبىزدىڭ كولىكتە ناۋقاس بولا ما, الدە جۇكتى انا بولا ما, بارىنە كومەگىمدى كورسەتۋىم كەرەك. بۇعان دەيىن جەدەل جاردەم كولىگىندە ءۇش انانىڭ بوسانۋىنا قول ۇشىمدى سوزعاندىقتان, بۇل جولى دا كاسىبي تۇرعىدان ارەكەت ەتتىم, – دەيدى فەلدشەر ماعجان سۇيىنعاليەۆ.
اتىراۋ وبلىسى
