بيىلعى جىلى قالا ونەركاسىپ, قۇرىلىس, دەنساۋلىق ساقتاۋ, ءبىلىم, مادەنيەت, ساۋدا جانە قىزمەت كورسەتۋ سالالارىندا بىردەن 92 جوبانى جۇزەگە اسىرۋدى جوسپارلاۋدا. ينۆەستيتسيا تارتۋدا تۇرعىن ءۇي, وندىرىستىك جانە الەۋمەتتىك نىسانداردى سالۋ نەگىزگى قوزعاۋشى كۇش بولىپ تابىلادى. ماسەلەن, جىلجىمايتىن م ۇلىك سالاسىندا جالپى سوماسى 66,9 ملرد تەڭگە بولاتىن 34 كوپسالالى تۇرعىن ءۇي كەشەنىن پايدالانۋعا بەرۋ جوسپارلانعان.
ونەركاسىپ سالاسىندا جالپى سوماسى 37,6 ملرد تەڭگەنى قۇرايتىن 20 جوبانى, يندۋستريالدى ايماق اۋماعىندا 10 جوبانى («Novus Polymer», «Valtherm», «Astana Invest» كورپوراتسياسى», «Nedex Almaty», «City Stone», «كاز-ديا-تەست جشس جانە باسقالارى), قالا اۋماعىندا 5 جوبانى («كازفەرروستال»,«ينتەرمۋلتسەرۆيس», «Serebro Profit», «تورگستروي» جشس, «ەۆرازيان فۋدس كورپورەيشن» اق) جۇزەگە اسىرۋ جوسپارلانۋدا.
بۇلاردان وزگە, جىل سوڭىنا دەيىن قالادا قۇنى 2,85 ميلليارد تەڭگە بولاتىن 5 ونەركاسىپتىك پارك («KazStroyTrade», «ADS Industries», «Ala Estate», «D&J Investments & Logistic», «Asia Prom Textile» جشس) ىسكە قوسىلىپ, 1400 جۇمىس ورنى اشىلاتىن بولادى. قازىرگى كەزدە كومپانيالار قۇرىلىس-مونتاج جۇمىستارىن جۇرگىزۋدە. بۇگىنگى كۇنى وندىرىستىك پاركتەر ينۆەستورلارى 19 كاسىپورىنمەن جالعا بەرۋدىڭ الدىن الا شارتتارىن جاسادى.
سونداي-اق جالپى قۇنى 31,8 ملرد تەنگە بولاتىن 14 الەۋمەتتىك جوبانى, ونىڭ قۇرامىنا سپورت جانە ونەر ورتالىعى («High Tech Academy» قازاقستانداعى العاشقى يننوۆاتسيالىق جوبالىق مەكتەپ), «Helmer» مەديتسينالىق وڭالتۋ ورتالىعى, ورتا ازيالىق ەكولوگيالىق زەرتتەۋلەر ينستيتۋتى, «دەمەۋ قورى»اق نىڭ بالەت تەاترى ەنگەن, ساۋدا جانە قىزمەت كورسەتۋ سالاسىنىڭ جالپى سوماسى 22,5 ملرد تەڭگە بولاتىن 24 جوبانى ىسكە اسىرۋ جوسپارلانعان. بۇل جوبالاردى جۇزەگە اسىرعان كەزدە 5000-نان استام جۇمىس ورنى اشىلاتىن بولادى. سونىمەن بىرگە, ينۆەستيتسيا تارتۋ كولەمى تريلليون تەڭگە دەڭگەيىنەن اسادى دەپ كۇتىلۋدە.
وتكەن جىلى الماتىنىڭ نەگىزگى كاپيتالىنا سالىنعان ينۆەستيتسيا كولەمى 971,2 ملرد تەڭگەنى قۇرادى. قالادا جالپى قۇنى 175 ملرد تەڭگە بولاتىن 51 جوبا ورىندالدى.
