دەنساۋلىق ساقتاۋ ءمينيسترى ءوزىنىڭ 2020 جىلعى 31 جەلتوقسانداعى «بولشەك جانە كوتەرمە ساۋداعا ارنالعان دارىلىك زاتتىڭ ساۋدا اتاۋىنىڭ شەكتى باعالارىن بەكىتۋ تۋرالى» بۇيرىققا وزگەرىستەر مەن تولىقتىرۋلار ەنگىزدى.
اتاپ ايتقاندا, بالالارعا ارنالعان دەنە قىزۋىن تۇسىرەتىن «ادۆانتان», «ازيتروميتسين», «اكسەتين», «اسپيرين», «دەكسامەتازون», «پاراتسەتامول», «يبۋپروفەن», «گەپارين», «نۋروفەن» جانە باسقا دا بىرقاتار دارىلەردىڭ باعاسى تومەندەتىلدى.
ء«دارى-دارمەكپەن قامتاماسىز ەتۋدە ۇنەمى ەسكەرىلەتىن نارسە ول – باعا مەن ساپا. بىزدە ءدارى-دارمەكتەردىڭ ساپاسىن قاداعالايتىن ارنايى ۇيىم جۇمىس ىستەيدى.
وسىعان وراي تىركەۋ بارىسىندا كومپانيا ءدارىنىڭ ساپاسىن راستايتىن قۇجاتتار سەبەتىن ۇسىنادى. قازاقستان رەسپۋبليكاسىنىڭ اۋماعىندا تىركەلگەن ءدارى-دارمەكتەردىڭ ساپاسى مەن قاۋىپسىزدىگى دالەلدەنگەن», دەدى فارماتسيا كوميتەتىنىڭ وكىلى.
بۇيرىق العاشقى رەسمي جاريالانعان كۇننەن باستاپ 10 كۇن وتكەن سوڭ كۇشىنە ەنەدى. ناتيجەسىندە, ەلىمىزدىڭ بارلىق وڭىرىندە ءدارى-دارمەكتىڭ باعاسى بىردەي بولماق.
ايتولقىن مىرزاكاريم
