شەكەسى تورسىقتاي ۇلدى تۋدىرىپ الۋعا حلەبوروبنوە اۋىلىنداعى سايلاۋ ۋچاسكەسىندە كەزەكشىلىكتە تۇرعان پوليتسيا قىزمەتكەرى ولگا قانعۋجينا فەلدشەرمەن بىرگە بەلسەنە قاتىسىپ, بالانىڭ كىندىك شەشەسى اتاندى. «مەن ءالى كۇنگە دەيىن ءوز-وزىمە كەلە الماي ءجۇرمىن. قايشىنى دەزينفەكتسيالاپ, بالانىڭ كىندىگىن ءوزىم كەستىم. تورسىق شەكە ەر بالا ومىرگە كەلدى. ءولتىرىپ الامىز با دەپ جامان قورىقتىم. بالا تۋعاننان كەيىن ەشقانداي دىبىس شىعارمادى. ارقاسىنان قاققاننان كەيىن عانا شىر ەتە ءتۇستى. سوندا عانا قيىندىق ارتتا قالعانىن سەزدىم...», - دەيدى بولعان وقيعا جايلى ولگانىڭ ءوزى.
پوليتسيا قىزمەتكەرىنىڭ ءوزى 11 جىل بۇرىن ءوزىنىڭ قىزىن تۋعان. ەسىنە اكۋشەر-دارىگەرلەردىڭ سول كەزدە ايتقاندارىن ءتۇسىرىپ, ايەلدەن بوسانۋ كەزىندە ولاردى ورىنداۋىن سۇراعان. ءسابي دۇنيەگە كەلگەننەن سوڭ, بىرنەشە مينۋتتان كەيىن اۋداننان جەدەل جاردەم دە كەلىپ جەتكەن. امان-ەسەن تۋعان بوبەگىن باۋىرىنا قىسقان جاس انا دارىگەر جانە پوليتسيا كاپيتانىمەن ەستەلىك سۋرەتكە دە ءتۇسىپ ۇلگەردى.
«شىنىمدى ايتسام, قاتتى قورىقتىم. الايدا قولىمنان كەلە مە, جوق پا دەگەن وي مۇلدەم بولعان جوق. بۇعان دەيىن ءتۇس كوردىم. تۇسىمدە مەنىڭ ەرجەتكەن ۇلىم بار ەكەن. ءومىر ماعان وسىنداي سىناق جىبەرەدى دەگەن وي مۇلدەم بولعان ەمەس», - دەيدى پوليتسەي. وسى وقيعا جايلى بىلگەن ارىپتەستەرى وعان ءبىزدىڭ سايلاۋبەگىمىز قالاي دەپ ازىلدەيتىن كورىنەدى. بىراق اتا-اناسى بالانىڭ ەسىمىن دانالى دەپ قويىپتى. قازىر ول اناسىمەن بىرگە اۋرۋحانادان شىعىپ, ۇيىنە بارۋعا دايىندالىپ جاتىر.
