جۋىردا سولتۇستىكقازاقستاندىق پد وسى جىل قورىتىندىلاندى. سقو اۋماعىندا 202 ۋچاسكەلىك پوليتسيا پۋنكتى ورنالاسقان, ونىڭ 13-ءى – پەتروپاۆل قالاسىندا. ولارعا 289 ۋچاسكەلىك ينسپەكتور مەن 70 كومەكشىسى قىزمەت كورسەتەدى. نورماتيۆتەر بويىنشا قالالىق جەردە ينسپەكتورعا 2300 ادام, اۋىلدىق جەرلەردە – 1200 ادامنان كەلەدى. بۇدان باسقا, ءار ءتورت ينسپەكتورعا ولاردىڭ جۇمىسىنا جاۋاپتى ءبىر قىزمەتكەر بەكىتىلگەن, ول قوسىمشا 1000 ادامعا قىزمەت كورسەتەدى. «ۋچاسكەلىك ينسپەكتورلاردى تەحنيكالىق جابدىقتاۋ قىزمەتتى دامىتۋعا مىقتى سەرپىن بولدى», — دەيدى سقو پد باستىعىنىڭ ءبىرىنشى ورىنباسارى پوليتسيا پولكوۆنيگى قانات ايتباەۆ. — «بۇگىنگى تاڭدا ولاردىڭ قاراماعىندا 181 بىرلىك كومپيۋتەرلىك تەحنيكا, سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىمەن ەلەكتروندى فورماتتا جۇمىس ىستەۋگە مۇمكىندىك بەرەتىن 269 پلانشەت, 201 الىپ جۇرەتىن بەينەتىركەگىش, 145 قىزمەتتىك كولىك بار. بۇدان بولەك, رەسپۋبليكادا العاشقىلاردىڭ ءبىرى بولىپ پەتروپاۆلدىق ۋپپ بەينەباقىلاۋمەن جابدىقتالدى. تسيفرلىق ورتاعا قوسىلۋ ادامداردىڭ وتىنىشتەرىن جىلدام ءارى ءتيىمدى قاراستىرۋعا سەپتىگىن تيگىزەدى, ەسەپتەگى كونتينگەنتتى باقىلاۋعا ۋاقىت بەرەدى».
وتكەن جىلى سقو-دا ۋچاسكەلىك ينسپەكتورلار 54 مىڭنان اسا قۇقىق بۇزۋشىنى جاۋاپكەرشىلىككە تارتتى. ونىڭ ىشىندە 10 مىڭنان استام ادام ماساڭ كۇيدە قوعامدىق ورىندارعا كەلگەندەر, 3300 اسا بۇزاقى, 2600 استامى تۇندە تىنىشتىقتى بۇزعاندار. بۇدان باسقا, ۋچاسكەلىك ينسپەكتورلاردىڭ قىزمەت كورسەتەتىن اۋماقتارىن بەس ساۋساعىنداي ءبىلۋىنىڭ ارقاسىندا وبلىستا 2536 قىلمىس اشىلدى.
