بايقاۋشىلار حالىقارالىق اككرەديتاتسيادان ءوتىپ, پتر-تەست تاپسىرىپتى. ولاردىڭ پىكىرىنشە, سايلاۋ جوعارى دەڭگەيدە ۇيىمداستىرىلدى.
– ەڭ الدىمەن بايقاعانىم – سايلاۋدا داۋىس بەرۋشىلەردىڭ قاۋىپسىزدىگىنە باسا ءمان بەرىلگەنى. بارلىق ۋچاسكە سانيتارلىق قۇرالدارمەن, ونىڭ ىشىندە قورعانىش ەكراندارى, سانيتارلىق كىلەمشەلەر, قول سانيتايزەرلەرى, مەديتسينالىق ماسكالارمەن جابدىقتالىپتى. زاڭبۇزۋشىلىق بايقالعان جوق, – دەيدى تمد ميسسياسىمەن كەلگەن حالىقارالىق بايقاۋشى ۆلاديمير زولوتوكوپوۆ.
تمد ميسسياسىنىڭ تاعى ءبىر وكىلى, بايقاۋشى سەرگەي ۆورونوۆتىڭ پىكىرىنشە, سايلاۋ قازاقستان رەسپۋبليكاسىنىڭ زاڭدارىنا, حالىقارالىق ادام قۇقىقتارىن قورعاۋ جونىندەگى تالاپتارعا سايكەس ءوتتى.
– قازاقستاندا حالىقارالىق بايقاۋشىلاردىڭ كەدەرگىسىز جۇمىس ىستەۋىنە بارلىق جاعداي جاسالدى. سايلاۋ ۋچاسكەلەرىندە داۋىس بەرۋشىلەردىڭ بەلسەندىلىگىن بايقادىم. بۇل سايلاۋ قازاقستاننىڭ ساياسي-ەكونوميكالىق, الەۋمەتتىك-رۋحاني دامۋىنىڭ جاڭا بەلەسى بولارىنا سەنەمىن, – دەيدى س.ۆورونوۆ.
