بريفينگتە ءسوز العان د.كوبيتسكي قازاقستان رەسپۋبليكاسى سىرتقى ىستەر مينيسترلىگىنە پارلامەنتتىك سايلاۋدى بايقاۋعا قاتىسۋعا شاقىرعانى ءۇشىن العىس ءبىلدىرىپ, تمد پارلامەنتارالىق اسسامبلەياسى توبىنىڭ مۇشەلەرىنە تاۋەلسىز مونيتورينگ جۇرگىزۋى ءۇشىن بارلىق جاعداي جاسالعانىن جەتكىزدى.
«قازاقستاننىڭ سىرتقى ىستەر مينيسترلىگىنە وسىنداي اۋقىمدى دا ماڭىزدى ساياسي ناۋقان بارىسىن بايقاۋعا شاقىرعانىنا العىس ايتامىن. ال سايلاۋدى ۇيىمداستىرۋشىلاردىڭ ەڭبەگى وتە جوعارى. ۋچاسكەلىك سايلاۋ كوميسسيالارىنىڭ, ەڭ الدىمەن, ەپيدەمياعا قارسى قاۋىپسىزدىكتى قامتاماسىز ەتۋ تۇرعىسىنان دايىندىعىنىڭ وتە جوعارى دەڭگەيدە ەكەنىن ايرىقشا اتاپ وتكىم كەلەدى. بۇعان كوپتەگەن قاراجات جۇمسالدى, فيزيكالىق جانە ادامي رەسۋرستار كوپ, بىراق حالىقتىڭ قاۋىپسىزدىگى بارىنەن قىمبات», دەدى حالىقارالىق بايقاۋشى.
ەستەرىڭىزگە سالا كەتەيىك, تمد پا مونيتورينگتىك توبىنىڭ قۇرامىندا ازەربايجان, ارمەنيا, بەلارۋس, قىرعىز, مولدوۆا, رەسەي, تاجىكستان, وزبەكستان پارلامەنتاريلەرى, سونداي-اق حالىقارالىق مونيتورينگ ينستيتۋتىنىڭ ساراپشىلارى كىرەتىن تمد پا كەڭەسى حاتشىلىعىنىڭ وكىلدەرى بولدى. قىسقا مەرزىمدى مونيتورينگ شەڭبەرىندە توپ مۇشەلەرى قازاقستاننىڭ ءارتۇرلى ايماقتارىنداعى جەكە مارشرۋتتاردا, سونداي-اق شەتەلدىك سايلاۋ ۋچاسكەلەرىندە جۇمىس ىستەدى.
