سميت بۇل شىعارماسىن ءبىراز ۋاقىت بۇرىن جازسا دا 1 قاڭتاردى كۇتكەن ەكەن. ويتكەنى ءدال وسى كۇنى فيتسدجەرالد كىتابىنىڭ اۆتورلىق قۇقىعى شەگىنە جەتىپ, شىعارما قوعامدىق يگىلىككە اينالدى.
كىرىسپە رومان سيۋجەتىندە اڭگىمەشى تۇپنۇسقاداعى نيك كارراۋەيدىڭ گەتسبيمەن كەزدەسكەنگە دەيىنگى وقيعاسىن باياندايدى. اتالعان كىتاپ ادەبي سىنشىلاردىڭ قاراما-قايشى پىكىرلەرىن تۋدىردى.
Town & Country باسپاسى بۇل ەڭبەكتىڭ فيتسدجەرالدقا دەگەن ەرەكشە قۇرمەت ەكەنىن جانە نيك كارراۋەيدىڭ ب ۇلىڭعىر وتكەنىن اشىپ كورسەتكەنىن اتاپ ءوتتى. ال Los Angeles Times سىنشىسى, كەرىسىنشە رومان وتە اسىعىس جازىلعان شيكى تۋىندى ەكەنىن ايتتى.
ايتا كەتەيىك, « ۇلى گەتسبي» – امەريكالىق جازۋشى فرەنسيس سكوتت فيتسدجەرالدتىڭ ۇزدىك تۋىندىسى. 2013 جىلى رومان جەلىسى بويىنشا گولليۆۋدتىق فيلم تۇسىرىلگەن ەدى. سول جىلى فيلم فۋرور (كۇشتى اسەر) تۋعىزىپ, ونىڭ ءانشى فەرگي ورىنداۋىنداعى A little party never killed nobody ساۋندترەگى حيت انگە اينالدى.
الايدا كىتاپتى وقىعانداردىڭ ءوزى روماننىڭ العاشقى اتاۋى باسقاشا بولعانىن بىلە بەرمەيدى. دجاز ءداۋىرىنىڭ ۇلى تۋىندىسىنا اتاۋ قويۋ بارىسىندا اۆتور كوپ ويلانعان. ونىڭ «گەتسبي – التىن قالپاق», «ەسسىز عاشىق» جانە ت.ب. نۇسقالارى بولىپتى. باسپادان شىعارۋعا ءبىر اپتا قالعاندا «تريمالحيون تويى» دەپ بەكىتىلگەن. كەيىن ول دا وزگەرىپ, اقش تۋىنىڭ تۇستەرىنە ساي «قىزىل, كوك, اقتىڭ استىندا» دەپ اتالعان. بىراق ەڭ سوڭىندا الەمگە تانىس « ۇلى گەتسبي» اتاۋى تاڭدالدى.
جالپى, رومان 1925 جىلى 10 ساۋىردە جارىق كورگەن. امەريكا ادەبيەتىندەگى دجاز ءداۋىرىنىڭ وكىلى سانالاتىن فيتسدجەرالد شىعارماسىن نيۋ-يوركتە باستاپ, ەۋروپاداعى ساياحاتى كەزىندە پاريجدە اياقتاعان. العاش سول جەردە جاريالانعان بولاتىن. وقيعا نيۋ-يوركتەن الشاقتاۋ ورنالاسقان لونگ-ايلەند «التىن جاعالاۋىندا» وتەدى. 1998 جىلى رومان Modern Library باسپاسى ۇسىنعان ءتىزىم بويىنشا XX عاسىردىڭ ەڭ ۇزدىك 100 كىتابىنىڭ رەيتينگىندە 2-ورىن يەلەندى.
