قاڭتاردىڭ قاقاعان كۇندەرىنىڭ بىرىندە ول «گازەل» اۆتوكولىگىمەن كەزەكتى رەيسىنەن ۇيىنە كەلە جاتىپ, قيىن جاعدايعا تاپ بولادى. ساعات تاڭعى بەستەر شاماسىندا جانار-جاعارماي جۇيەسىنىڭ ىستەن شىعۋىنا بايلانىستى كولىك توقتاپ قالعان. جولدا جان ادام جوق, ۇيالى بايلانىس تا ىستەمەيدى. قاھارىنا مىنگەن اياز جاعدايدى ۋشىقتىرا تۇسكەن, ونىڭ ۇستىنە كابينا ەسىگىنىڭ تۇتقاسى سىنىپ قالعان. ناتيجەسىندە 36 جاسار جۇرگىزۋشى جىلىنۋدىڭ قامىن جاساپ, ماشينانى اينالا جۇگىرگەن, قوسالقى دوڭعالاعىن جاققان...
تەك تۇسكە قاراي عانا ونى اۋىلدىقتار قۋلىكولگە جەتكىزگەن. ۋچاسكەلىك ينسپەكتور الماس سۇلتانوۆ اۋىلدان 20 شاقىرىم جەردە سىنىپ قالعان «گازەلدى» تراكتورمەن اۋىلعا سۇيرەپ اكەلىپ, شارۋا قوجالىعىنىڭ جىلى بوكسىنا قويعان. «سىنعان كولىكتى جوندەۋگە, جۇرگىزۋشىنىڭ جىلىنۋىنا جانە تىنىعۋىنا جاعداي جاساعان شق باسشىسى سايان مۇباراكوۆقا, اۋىل تۇرعىندارى ايبەك پەن نويان جۇمابەكوۆتەرگە, سونداي-اق عادىلەت قايىرباەۆقا العىس بىلدىرگىم كەلەدى», - دەيدى پوليتسيا كاپيتانى الماس سۇلتانوۆ.
ەرتەڭىنە «گازەل» اۆتوماشيناسى جوندەلىپ, ۋچاسكەلىك ينسپەكتور نۇربول اقباەۆتى جولعا شىعارىپ سالادى. ال كەشكىسىن نۇر-سۇلتان قالاسىنا, ۇيىنە امان-ەسەن ورالعاندىعىن ايتىپ, جۇرگىزۋشىسى حابارلاسقان.
سولتۇستىك قازاقستان وبلىسى
