بارشاڭىزعا بەلگىلى, بالالار مەن مۇعالىمدەردىڭ دەنساۋلىعى مەن قاۋىپسىزدىگىن ساقتاۋ ماقساتىندا ەپيدەميولوگيالىق جاعدايعا بايلانىستى قالاداعى 205 جالپى ءبىلىم بەرەتىن مەكتەپتەردە وقۋ جىلى قاشىقتىقتان باستالدى.
كولساي مەن سۇلۋساي ىقشاماۋداندارىندا ورنالاسقان № 194 جانە № 197 مەكتەپتەردىڭ, سونداي-اق 35 جەكەمەنشىك مەكتەپتەردىڭ ادام سانىنىڭ از بولۋىنا بايلانىستى وقىتۋ تۇراقتى رەجيمدە جۇرگىزىلۋدە.
الماتى قالاسىنىڭ باس سانيتارلىق دارىگەرىنىڭ قاۋلىسىنا سايكەس 1-دەن 5-ءشى سىنىپتارعا دەيىن 15 بالادان اسپايتىن كەزەكشى سىنىپتاردى اشۋعا رۇقسات ەتىلدى.
بۇگىنگى تاڭدا 1-5 سىنىپتار ءۇشىن:
- 150 مەملەكەتتىك مەكتەپتەردە 17 753 بالا كونتينگەنتى بار 1235 كەزەكشى سىنىپتار بار;
- قالاداعى 34 جەكەمەنشىك مەكتەپتەردە 7 020 بالا كونتينگەنتى بار 560 كەزەكشى سىنىپتار بار.
سوزىلمالى اۋرۋلارى جوق بالالار كەزەكشى سىنىپتا وقۋعا جىبەرىلەدى (وتىنىشتە كورسەتىلگەن). بالالاردىڭ كەزەكشى سىنىپتاردا وقۋىن تاڭداۋ قۇقىعى بالالاردىڭ اتا-انالارىنا نەمەسە زاڭدى وكىلدەرىنە تيەسىلى.
كەزەكشى سىنىپتاردىڭ قىزمەتى سانيتارلىق ەپيدەميولوگيالىق تالاپتاردى قاتاڭ ساقتاي وتىرىپ جۇزەگە اسىرىلادى. قالانىڭ بارلىق مەكتەپتەرى 100% سانيتارلىق قاۋىپسىزدىك دەزينفەكتسيالاۋ قۇرالدارىمەن (توننەلدەر, سانيتايزەرلەر, تەرموپرەپاراتتار, اياق كيىم توسەنىشتەرى جانە ت.ب.) قامتاماسىز ەتىلگەن.
باس مەملەكەتتىك سانيتارلىق دارىگەردىڭ 2020 جىلعى 25 جەلتوقسانداعى № 68 «شەكتەۋ كارانتيندىك شارالار جانە ولاردى بىرتىندەپ ازايتۋ تۋرالى» قاۋلىسىنا جانە 2020 جىلعى 13 تامىزداعى № 345 «كوروناۆيرۋستىق ينفەكتسيانىڭ تارالۋىنا بايلانىستى شەكتەۋ شارالارى كەزەڭىندە ءبىلىم بەرۋ ۇيىمدارىنداعى وقۋ پروتسەسىن جۇزەگە اسىرۋ تۋرالى» نۇسقاۋلىققا سايكەس, ء بىلىم باسقارماسى سانيتارلىق-ەپيدەميولوگيالىق رەجيمدى ساقتاي وتىرىپ, 9-شى جانە 11-ءشى سىنىپتاردىڭ تۇلەكتەرى ءۇشىن وقۋ جىلىنىڭ 3-توقسانىنان باستاپ (پاندەردىڭ 70%-ى وففلاين رەجيمىندە جانە 30%-ى ونلاين رەجيمىندە) ارالاس وقىتۋدى قامتاماسىز ەتۋ بويىنشا دايىندىق جۇمىستارىن جۇرگىزۋدە.
2020 جىلعى 30 جەلتوقساندا جانە اعىمداعى جىلدىڭ 6 قاڭتارىندا 9 جانە 11 سىنىپتاردا ارالاس وقىتۋعا كوشۋ تۋرالى مەكتەپ ديرەكتورلارىمەن ۇيىمداستىرۋشىلىق جينالىستار وتكىزىلدى.
ورتا ءبىلىم بەرۋ ۇيىمدارىنىڭ الدىن-الا مالىمەتتەرى بويىنشا, بۇگىنگى كۇنى 184 مەكتەپتە:
- 16 314 (72%) بالا كونتينگەنتى بار 1205 - 9 سىنىپتار;
- 8 843 (80%) بالانى قامتىعان 698 - 11 سىنىپتار;
- 9 (10) سىنىپتارداعى ارنايى تۇزەتۋ مەكتەپ-ينتەرناتتارىندا: 179 وقۋشىنى قامتيتىن 15 ادامنان 20 سىنىپ كومپلەكتىسى اشىلۋدا.
9, 11 (12) سىنىپ وقۋشىلارىنىڭ ارالاس وقىتۋ فورماتىنا اۋىسۋى ءبىتىرۋشى سىنىپتاردى قورىتىندى اتتەستاتتاۋعا دايىنداۋمەن جانە ۇلتتىق بىرىڭعاي تەستىلەۋ مەن جوعارى وقۋ ورىندارى مەن كوللەدجدەرگە ءتۇسۋ ەمتيحاندارىن تاپسىرۋمەن نەگىزدەلگەن.
وقىتۋدى ۇيىمداستىرۋ كەلەسىدەي تۇردە جۇزەگە اسىرىلادى: ۇلگىلىك وقۋ جوسپارىنىڭ 70% پاندەرى سانيتارلىق-ەپيدەميولوگيالىق تالاپتارعا سايكەس تۇراقتى فورماتتا وقىتىلاتىن بولادى ال, وقۋ پاندەرىنىڭ 30% - قاشىقتىقتان وقىتىلادى.
ارالاس فورماتتاعى وقىتۋدى ۇيىمداستىرعان كەزدە كەلەسى شارالاردى ساقتاۋ قاجەت:
1) سىنىپتاعى وقۋشىلاردىڭ سانى سانيتارلىق ەرەجەلەر مەن نورمالار ستاندارتتارىنا سايكەس كەلۋى كەرەك;
2) باستالۋ جانە اياقتالۋ ۋاقىتىن كورسەتە وتىرىپ, ساباقتاردىڭ يكەمدى كەستەسىن قۇرۋ;
3) الەۋمەتتىك ديستانتسيانىڭ اۋىسىمدارى مەن الماستىرۋلارىن ارتتىرۋ, فيزيكالىق بايلانىستاردى ازايتۋ;
4) كابينەت جۇيەسىن الىپ تاستاۋ, اۋىسىمىنا ءبىر سىنىپ-ءبىر كابينەت جاساۋ;
5) ءار سىنىپتا ءار ءتۇرلى ۋاقىتتا ساباق اراسىنداعى ۇزىلىستەردى ۇيىمداستىرۋ;
6) كىشى بلوكپەن بايلانىستى بولدىرماۋ;
7) كىرەبەرىستە مەديتسينالىق قىزمەتكەردىڭ وقۋشىلار مەن وقىتۋشىلاردىڭ كۇندەلىكتى تەمپەراتۋراسىن ولشەۋ;
8) بارلىق جەرلەر مەن بولمەلەردى جەلدەتۋ, كۆارتستەۋ;
9) قولدى جۋ جانە ارنايى ونىمدەردى پايدالانۋ;
10) ءار ەكىنشى ساباقتان كەيىن سىنىپتاردى ىلعالدى تازارتۋ;
11) دəلىزدەردى, دەمالىس ايماقتارىن, زالداردى جəنە باسقا ءۇي-جايلاردى اۋىسىم اراسىنداعى ىلعالدى تازالاۋ;
12) دەنە شىنىقتىرۋ ساباعىن تازا اۋادا وتكىزۋ نەمەسە سپورت زالدارىن ۇنەمى جەلدەتۋدى ۇيىمداستىرۋ;
13) مۇعالىمدەردىڭ سىنىپتارداعى قوزعالىسىنا, مۇعالىمدەر بولمەسىنە بارۋعا, سىنىپتان تىس جۇمىستار مەن اتا-انالار جينالىسىن وتكىزۋگە تىيىم سالۋ;
14) بارلىق جەدەل كەڭەستەردى قاشىقتان فورماتتا وتكىزۋ;
15) مەكتەپتى سىنىپتارداعى, زالدارداعى جانە باسقا ءۇي-جايلارداعى زاتتاردىڭ بەتتەرىن وڭدەۋگە ارنالعان دەزينفەكتسيالاۋ قۇرالدارىنىڭ جەتكىلىكتى مولشەرىمەن قامتاماسىز ەتۋ;
16) مەكتەپتىڭ كىرەبەرىسىندە اياق كيىمگە ارنالعان دەزينفەكتسيالىق توسەنىشتەردىڭ بولۋى, بارلىق قاباتتاردا قولدى تازارتۋ قۇرالدارىنىڭ بولۋى;
17) قولدى جۋعىش زاتتارمەن جۋعا جاعداي جاساۋ, ساپالى سۋمەن جابدىقتاۋ.
وقۋ ساباقتارىن وتكىزۋ كەزىندە:
1) بالالاردىڭ ەموتسيونالدى كوڭىل-كۇيىنە, پسيحولوگتاردىڭ اتا-انالارمەن جانە وقۋشىلارمەن جەكە كونسۋلتاتسياسىن كۇشەيتۋگە كوڭىل بولىنەدى;
2) وقۋشىلاردىڭ فيزيكالىق شامادان تىس جۇكتەلۋىنە جول بەرىلمەيدى, ساباق بارىسىندا فيزيكالىق مينۋتتار وتكىزىلەدى.
