ونىڭ اتاپ وتىنشە, قازاقستان اۋماعىندا سايلاۋ اياقتالدى. ال ەلىمىزدىڭ شەت مەملەكەتتەردەگى وكىلدىكتەرى جانىنان اشىلعان 42 سايلاۋ ۋچاسكەسىندە داۋىس بەرۋ ءجۇرىپ جاتىر.
«سايلاۋ كوميسسيالارى داۋىستاردى ساناۋعا كىرىستى. «قر-داعى سايلاۋ تۋرالى» كونستيتۋتسيالىق زاڭنىڭ 43-باپتىڭ 1-تارماعىنا سايكەس, سايلاۋ ۋچاسكەلەرىندە داۋىستاردى ساناۋ ساناق باستالعاننان كەيىن 12 ساعاتتان اسپاۋى ءتيىس. داۋىس بەرۋ ناتيجەلەرىنىڭ حاتتامالارى بىردەن ءتيىستى اۋماقتىق سايلاۋ كوميسسياسىنا جىبەرىلەدى. پارتيالىق ءتىزىم بويىنشا سايلاۋ ناتيجەسى ورتالىق سايلاۋ كوميسسياسىنىڭ وتىرىسىندا انىقتالادى», دەدى كونستانتين پەتروۆ. قر وسك توراعاسىنىڭ ورىنباسارى اۋماقتىق سايلاۋ كوميسسيالارىنان داۋىس بەرۋ قورىتىندىسى ەلەكتروندى تۇردە ەرتەڭ كەلىپ تۇسەتىنىن ايتتى. سايلاۋدىڭ الدىن الا قورىتىندىسى وسك بريفينگى بارىسىندا جاريالانادى.
