اكىمدىكتىڭ رەسمي سايتىنىڭ مالىمەتىنشە, بۇگىن ەلوردانىڭ جاس تۇرعىنى باۋىرجان اقشاباەۆتىڭ ومىرىندە ەكى ماڭىزدى وقيعا بولىپ وتىر. بۇل كۇنى ول كامەلەت جاسىنا تولىپ قانا قويماي, العاش رەت داۋىس بەردى.
«سايلاۋعا نەلىكتەن قاتىسۋ كەرەك؟ مەن ءۇشىن ونىڭ جاۋابى وتە قاراپايىم. ءار ازامات ءوز ەلىنىڭ ومىرىنە ارالاسۋى كەرەك. بۇل — ەرەكشە سەزىم. قازاقستان ازاماتى ەكەندىگىمە جانە تاريحي ساتتەرگە ارالاساتىنىما قۋانىپ ءارى ماقتانىپ وتىرمىن», دەيدى باۋىرجان.
ول تۋعان كۇنىندە №87 ۋچاسكەگە بارىپ, ءوزىنىڭ ەرەسەك ومىرىندەگى العاشقى ازاماتتىق بورىشىن ورىندادى. سونداي-اق, باۋىرجان قۇرداستارىنا وزىنەن ۇلگى الۋعا جانە بولاشاققا سەنىممەن قاراۋعا كەڭەس بەردى.
«الەمدى وزگەرتۋ ءۇشىن وزگەرىستى الدىمەن وزىڭنەن باستاۋ كەرەك. سايلاۋ — ازاماتتىق جاۋاپكەرشىلىكتى كورسەتۋ جانە ەلىمىزدىڭ تاعدىرىن وزگەرتۋ ءۇشىن ەڭ قولايلى ءسات», دەدى جاس سايلاۋشى.
باۋىرجان اقشاباەۆقا العاشقى سايلاۋدان ەستەلىك رەتىندە ابايدىڭ كىتابى سىيعا بەرىلدى.
