«بيىلعى كوپتەگەن بولجام بويىنشا بيىلعى سايلاۋالدى ۇگىت-ناسيحات جۇمىستارى ونلاين الاڭدا بولۋى كەرەك ەدى. قازاقستاندا 18 ميلليون تۇرعىن بولسا, 26 ميلليون سيم-كارتا بار ەكەن. ينتەرنەتكە قولجەتىمدى حالىق سانى – 14 ميلليون. ستاتيستيكاعا سالار بولساق, حالىق ونلاين سايلاۋعا دا دايىن. سايلاۋعا قاتىسقان پارتيالار ونلاين ۇگىت-ناسيحاتقا 35-40% كوڭىل بولسە, قالعان ۇگىت-ناسيحاتتى ايماقتا جۇرگىزدى. ونلاين جۇرگىزۋگە مۇمكىندىكتەرى بولا تۇرا حالىقتىڭ ورتاسىنا بارىپ جۇرگىزگەندەرى ۇنادى. ءبىرىنشى رەت ايماقتىق دەبات ۇيىمداستىرىلدى. بۇل – ۇلكەن جەتىستىك», دەيدى وركەن كەنجەبەك.
سونداي-اق, ول ءبىر ايلىق ۇگىت-ناسيحات ناۋقانىندا الەۋمەتتىك جەلىلەردە كۇلكىگە قالاتىنداي ەشقانداي جاعداي بولعان جوق ەكەنىن ايتتى.
«بەس پارتيادا الەۋمەتتىك جەلىلەردە ساياساتىن دۇرىس جۇرگىزدى جانە ءبارى دە «كۇشتى ايماق – كۇشتى ەل» دەگەن كونتسەپتسيانى ۇسىندى. ماعان وسى ۇنادى. بۇرىن ۇگىت-ناسيحات ناۋقانىندا پارتيالار ۇلكەن زاۋىت-فابريكالاردى ارالاسا, وسى جولى بازارلاردى, قۇرىلىس ورىندارىنا بارىپ, بۇقارا حالىقتىڭ ورتاسىندا بولىپ, ماسەلەلەرىن تىڭداپ, قورىتىندى شىعاردى. كەي پارتيا اۋدان, اۋىلدارعا بارىپ, ءبىرىنشى رەت جىلدىق بيۋدجەتتى ءتۇسىندىرىپ بەردى. بيىلعى سايلاۋدىڭ وسى ەرەكشەلىكتەرى مەنىڭ كوڭىلىمنەن شىقتى», دەيدى ول.
