بۇل جوبانىڭ ماقساتى - قوعامدىق كولىك وكىلدەرىنىڭ كولىك جۇرگىزۋ كەزىندە مادەنيەت پەن قاۋىپسىزدىك دەڭگەيىن ارتتىرۋ, قوعامدىق كولىك جۇرگىزۋشىسىنىڭ ءيميدجىن جاقسارتۋ.
جوباعا قاتىسقان جۇرگىزۋشىگە مىندەتتى تۇردە سەرتيفيكات بەرىلەدى. ايتا كەتەرلىگى, سەرتيفيكاتسىز قوعامدىق كولىك جۇرگىزۋشىسى رەتىندە جۇمىسقا ورنالاسا المايدى.
ەگەر جۇرگىزۋشى سەرتيفيكات العاننان كەيىن ەڭبەك ءتارتىبىن بۇزۋدى جالعاستىرسا, وندا ول قايتا اتتەستاتتسيالاۋدان وتۋگە مىندەتتى بولادى. ەتيكالىق نورمالار مەن ەڭبەك ءتارتىبىن بىرنەشە رەت بۇزعان جۇرگىزۋشىلەر كەلەشەكتە «قارا تىزىمگە» ەنگىزىلەتىن بولادى. بۇل تىزىمدە تۇرعان جۇرگىزۋشى قوعامدىق كولىك جۇرگىزۋشىسى رەتىندە جۇمىسقا قابىلدانبايدى.
- قازىرگى ۋاقىتتا قوعامدىق كولىككە بايلانىستى بىرقاتار ماڭىزدى ماسەلەلەر بار. وسى ورايدا جولاۋشىلار مەن جۇرگىزۋشى اراسىندا قاندايدا ءبىر ماسەلەلەر ورىن السا نەمەسە قوسىمشا سۇراقتارىڭىز بولسا شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ 24-75-17 نومىرىنە حابارلاسۋلارىڭىزعا بولادى نەمەسە transport.shym ينستاگرامم پاراقشاسىنا قالدىرساڭىزدار بولادى, - دەيدى سالا ماماندارى.
