“پاراساتتىڭ” پاراساتتى ءىسى

بيىلعى قىستىڭ قاھارى ەلىمىزدىڭ شىعىس وڭىرىندە ەرەكشە قاتال بولدى. اقىرعان ايازى مەن اقتۇتەك بورانى قاباتتاسىپ, التى اي قىس كوز اشتىرمادى. “جۇت جەتى اعايىندى” دەگەندەي, قاتال قىستىڭ سوڭى كوكتەمنىڭ سۋ تاسقىنىنا ۇلاستى. بىرقاتار ەلدى مە­كەن­دەردى كۇيزەلىسكە ۇشىراتقان كوكتەمگى اپات كەزىندە شى­عىسقازاقستاندىقتار جالعىز بولعان جوق. ەلىمىزدىڭ بارلىق وڭىرلەرىنەن, ءىرى كاسىپورىنداردان, جەكەلەگەن ازاماتتاردان اپات ايماعىنداعى حالىققا جان-جاقتى كومەك كورسەتىلدى. سۋ تاسقىنىنان زارداپ شەككەن شىعىس قازاقستان وبلىسىنىڭ تۇرعىندارىنا كورسەتىلىپ جاتقان بۇكىلحالىقتىق كومەك قوزعالىسىنا “پاراسات” ۇلتتىق عىلىمي-تەحنولوگيالىق حولدينگى” جانە ونىڭ ەنشىلەس ۇيىمدارى: “عىلىم قورى”, “جەر, مە­تاللۋرگيا جانە كەن بايىتۋ عىلىمي ورتالىعى”, “اق­پارات­تاندىرۋ عى­لىمي ورتالىعى” جانە باسقالار سۋ شايىپ كەتكەن ەلدى مەكەندەردەگى قۇرىلىس جۇمىستارىنا قولداۋ كورسەتۋ ماقساتىندا 1,7 ملن. تەڭگە كولەمىندەگى ءبىر كۇنگى ەڭبەكاقىلارىن اۋداردى. “ەگەمەن-اقپارات”.