جالپى ءتورت جىل ىشىندە مۇعالىمدەردىڭ جالاقىسى ەكى ەسەگە ارتادى. ءبىرىنشى ءوسىم 2020 جىلدىڭ 1 قاڭتارىندا باستالدى. بۇل شارامەن مەكتەپ مۇعالىمدەرى, بالاباقشا تاربيەشىلەرى, كوللەدجدەر, قوسىمشا ءبىلىم بەرۋ جۇيەسى قامتىلدى.
2021 جىلدىڭ ناقتىلانعان بيۋدجەتى اياسىندا الماتى مۇعالىمدەرىنىڭ جالاقىسىن 25%-عا كوتەرۋ ءۇشىن رەسپۋبليكالىق بيۋدجەتتەن 30,8 ملرد تەڭگە ءبولىندى. مەگاپوليستەگى مەملەكەتتىك مەكەمەلەر – مەكتەپتەر مەن كوللەدجدەردە, بالاباقشالار مەن ينتەرناتتاردا, مەكتەپتەن تىس ۇيىمداردا 32 مىڭ پەداگوگيكالىق قىزمەتكەر جۇمىس ىستەيدى.
بۇلاردان وزگە, سىنىپ جەتەكشىلىگى, داپتەرلەردى تەكسەرۋ, پەداگوگيكالىق شەبەرلىك, ماگيستر دارەجەسى جانە تالىمگەرلىك ءۇشىن قوسىمشا اقىلار قاراستىرىلعان. ايتا كەتەرلىگى, بۇرىندارى ماگيستر دارەجەسى جانە تالىمگەرلىك ءۇشىن قوسىمشا اقى تولەۋ بولماعان, ولار ءبىرىنشى رەت ەنگىزىلىپ وتىر, ال بۇرىنننان بار سىنىپ جەتەكشىلىگى, داپتەرلەردى تەكسەرۋدىڭ قوسىمشا اقىلارى ەكى ەسە وسۋدە.
ەسكە سالساق, الماتى اكىمدىگى مۇعالىمدەردى كاسىبي جەتىستىكتەرىن ىنتالاندىرۋ ءۇشىن قارجى ءبولۋدى قاراستىرعان ەدى. وسىعان وراي, قالا اكىمى ب. ساعىنتاەۆتىڭ ۇسىنىسى بويىنشا «ۇزدىك پەداگوگ», «ۇزدىك پەداگوگيكالىق ۇجىم» بايقاۋلارى جىل سايىن وتكىزىلىپ كەلەدى.
