سەيسميكالىق توزىمدىلىكتى تەكسەرەتىن سىناقتاردى قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ («قازقسعزي» اق) عالىمدارى جۇرگىزەدى.
2020 جىلدىڭ سوڭىندا «قازقسعزي» اق ماماندارى جاڭا زاماناۋي Modex زاۋىتىندا شىعارىلعان كولەمدى بلوكتاردى اۋقىمدى سىناۋدىڭ كەلەسى كەزەڭىن اياقتادى.
كولەمدى بلوكتاردى قولداناتىن مودۋلدىك تۇرعىن ءۇي قۇرىلىسى قازاقستاندا بۇرىن قولدانىلماعان, سوندىقتان عىلىمي زەرتتەۋلەر مەن ەكسپەريمەنتتىك سىناقتاردى قاجەت ەتتى. بۇل ەكسپەريمەنتتىك زەرتتەۋلەر قازاقستان ءۇشىن ماڭىزدى بولدى, ويتكەنى مودۋلدىك بلوكتاردى پايدالانۋ قۇرىلىس ۋاقىتىن ايتارلىقتاي قىسقارتادى. ماسەلەن, بولاشاقتا 16 قاباتتى تۇرعىن ءۇي سالۋعا ءتورت اي عانا ۋاقىت كەتەتىڭ بولادى.
«ماماندار ۇنەمى وسىعان دەيىن ەلدە قولدانىلماعان قۇرىلىمداردى سەيسميكالىق توزىمدىلىگىن ەكسپەريمەنتالدى تۇردە تەكسەرىپ وتىرادى. تەكسەرۋ ناتيجەلەرى بويىنشا جاڭا قۇرىلىمدار جەر سىلكىنىسى قاۋپى بار اۋدانداردا پايدالانۋ مۇمكىندىگى نەمەسە مۇمكىن ەمەستىگى تۋرالى قورىتىندى جاسالادى», - جايمبەتوۆ مارحابات جايىمبەت ۇلى, قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى.
