نۇر-سۇلتاندا 2021 جىلى 40 مىڭ وقۋشى ورنى اشىلادى

ايماقتار • 08 قاڭتار، 2021

نۇر-سۇلتاندا 2021 جىلى 40 مىڭ وقۋشى ورنى اشىلادى

13 رەت كورسەتىلدى

بۇل تۋرالى نۇر-سۇلتان قالاسى اكىمدىگىنىڭ رەسمي سايتىندا جاريالاندى دەپ حابارلايدى Egemen.kz

فوتو: الەكساندر كۋپريەنكو

نۇر-سۇلتان قالاسىنىڭ اكىمدىگى مەكتەپ قۇرىلىسى بويىنشا جۇيەلى جۇمىس جۇرگىزۋدە. 2020 جىلى 2019 جىلمەن سالىستىرعاندا ەكى ەسە كوپ مەكتەپ سالىندى جانە پايدالانۋعا بەرىلدى، بۇل 12 وقۋ ورنى، ونىڭ ىشىندە بۇرىن مەكتەپتەر بولماعان تۇرعىن ءۇي الاپتارىندا بالالار بەيىمدەلگەن ءۇي-جايلاردا وقىدى. ەلوردا اكىمى التاي كولگىنوۆ ارالاۋ بارىسىندا بىرقاتار جاڭا مەكتەپتەرگە (№60 مەكتەپ-ليتسەي، №40 مەكتەپ-ليتسەي، №31 مەكتەپ-گيمنازيا) بارىپ، تاپسىرما بەردى. بيىل 2020 جىلمەن سالىستىرعاندا ەكى ەسە كوپ وقۋشى ورنى قۇرىلادى. بۇل 2019 جىلمەن سالىستىرعاندا 4 ەسە كوپ.

ء«بىلىم بەرۋ ساپاسىنا نازار اۋدارۋ جانە ول ءۇشىن جاعداي جاساۋ وتە ماڭىزدى. حالىقتىڭ ءوسۋىن جانە ءۇش اۋىسىمدى جانە تىعىزدالعان وقىتۋ رەجيمى بار مەكتەپتەردى قىسقارتۋ قاجەتتىلىگىن ەسكەرە وتىرىپ، جىل سايىن ەلوردادا كەمىندە 10 مەكتەپ سالۋ قاجەت. وتكەن جىلى 12 مەكتەپ سالىندى، بۇل الدىڭعى جىلمەن سالىستىرعاندا ەكى ەسە كوپ. بيىل وقۋشىلارعا ارنالعان ورىن سانىن تاعى ەكى ەسەگە ارتتىرامىز. بۇل – 20 مىڭ وقۋشى ورنى، ال ەكى اۋىسىمدا 40 مىڭ وقۋشى ورنى بولماق.

№60 مەكتەپ-ليتسەيى (سارىارقا اۋدانى) ەكى عيماراتتان تۇرادى جانە 2400 ورىنعا ەسەپتەلگەن (ەكى اۋىسىمدا 4800). مۇندا بەس مىڭنان استام وقۋشى وقيدى. قوسىمشا جۇمىس ىستەپ تۇرعان اۋماقتا مەكتەپ سالىندى، ول ەكى اۋىسىمدا تاعى 1100 ورىن قۇرادى. وسىلايشا، ولار مەكتەپتىڭ تىعىزدىعىن تومەندەتىپ، وقۋشىلارعا ارنالعان جاڭا ورىندار قۇردى.

№40 مەكتەپ-ليتسەيى (سارىارقا اۋدانى) 17 جىل بۇرىن سالىنعان. جوبالىق قۋاتتىلىعى 850 ورىن (ەكى اۋىسىمدا – 1700)، 2 مىڭعا جۋىق وقۋشى وقيدى. اتالعان مەكتەپ اۋماعىندا مىڭ ورىنعا (ەكى اۋىسىمدا) ارنالعان تاعى ءبىر تولىققاندى عيمارات سالىندى.

وسىلايشا، ءۇش اۋىسىمدى وقىتۋ ماسەلەسى شەشىلدى. سونىمەن قاتار، اتالعان مەكتەپتى جىلىتۋ قازاندىعىنان ورتالىق مەكتەپكە اۋىستىرۋدى تاپسىردىم. بۇل جىل سايىن مەكتەپتى جىلىتۋعا 100 ملن تەڭگەگە دەيىن ۇنەمدەۋگە مۇمكىندىك بەرەدى.

سونداي-اق، 45 جىل بۇرىن سالىنعان № 31 مەكتەپ-گيمنازياسىنا (بايقوڭىر اۋدانى) باردىم. مۇندا 2700-دەن استام وقۋشى وقيدى. 1400 ورىندىق جاڭا عيمارات ەسەبىنەن ءۇش اۋىسىمدا وقىتۋ ماسەلەسى شەشىلدى. سونىمەن قاتار، قازىرگى مەكتەپتە كۇردەلى جوندەۋ جۇرگىزۋدى تاپسىردىم. پرەزيدەنتتىڭ تاپسىرماسى بويىنشا مەكتەپتەردى سالۋ جانە جوندەۋ جۇمىستارىن الداعى جىلدارى دا جالعاستىراتىن بولامىز»، — دەدى ەلوردا اكىمى التاي كولگىنوۆ.

ءۇش اۋىسىمدا وقىتاتىن مەكتەپتەر سانى 8-دەن 4-كە دەيىن، ال تىعىزدالعان رەجيمى بار مەكتەپتەر سانى 22-دەن 14-كە دەيىن قىسقاردى. سونىمەن قاتار، ەلوردادا بىرقاتار مەكتەپتەر سالىنىپ جاتىر، ولاردىڭ اراسىندا جەكە ينۆەستيتسيالار تارتۋ ەسەبىنەن سالىنعاندارى دا بار. كەشەندى جوسپار اياسىندا 5 جىلدىق كەزەڭگە 50-گە جۋىق مەملەكەتتىك مەكتەپ سالۋ جوسپارلانعان. سونداي-اق، مەملەكەت باسشىسى بارعان №23 ورتا مەكتەپتىڭ ء(وندىرىس تۇرعىن الابى) اۋماعىندا بەس قاباتتى مەكتەپتىڭ قۇرىلىسى جۇرگىزىلىپ جاتىر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز