باسىمدىق – حالىق تابىسىن ارتتىرۋ

وزەكتى ماسەلەلەردى تالقىلاۋعا قا­زاق­ستان حالىق پارتياسىنىڭ مۇشەسى جام­بىل احمەتبەكوۆ قاتىسىپ، قحپ قارا­پايىم ادامداردىڭ قۇقىقتارى مەن زاڭدى مۇددەلەرىن قورعاۋ بويىنشا جۇيەلى جۇمىستى جالعاستىرۋ ءۇشىن سايلاۋعا قاتىسىپ وتىرعانىن ەسكە سالدى.

– ءبىز وسى جىلى قازاقستانداعى ناقتى الەۋمەتتىك-ەكونوميكالىق جاع­داي ۇكى­مەتتەگى وپتيميستەردىڭ بولجامدارىمەن تۇبەگەيلى سايكەس كەلمەگەنىن كورىپ وتىرمىز. قاراپايىم قازاقستاندىقتار ءتيىستى قورعاۋسىز قالدى. ءبىز ەكونو­مي­كا­داعى كوسمەتيكالىق رەفورمالار ەش­تەڭە بەرمەيدى دەپ سانايمىز. بىزدە كۆا­زيمەملەكەتتىك جانە ترانسۇلتتىق شي­كىزات كورپوراتسيالارى باسىمدىققا يە. ولار تەرەڭ وڭدەۋمەن ەمەس، شيكىزاتپەن اينا­لىسقان كەزدە ەشتەڭە وزگەرمەيدى. ءبىز مەملەكەت دامۋدىڭ تۇبەگەيلى جاڭا مودەلىن قابىلداۋى – حالىقتىق ەكونوميكا قۇرۋى كەرەك دەپ سانايمىز، – دەدى ج.احمەتبەكوۆ.

پارتيا مۇشەسى مەملەكەت ءونىمدى جانە لايىقتى اقى تولەنەتىن ەڭبەك قۇقىعىن قامتاماسىز ەتۋى ءتيىس ەكەنىن مالىمدەدى.

– ەكونوميكا ءوسىمدى كورسەتسە دە، حالىق مۇنى سەزبەيدى. ءبىز ونىمدەردى، تاۋارلاردى، جابدىقتاردى يمپورتتايمىز جانە باعانىڭ ۇزدىكسىز ءوسۋىن بايقايمىز. قازاقستاندىقتاردىڭ دوللارداعى ورتاشا تابىسى 2008 جىلدان بەرى ءوسىپ كەلە جاتقان جوق. قازاقستانعا حالىقتىق ەكونوميكا قاجەت. مۇنداعى نەگىزگى باسىمدىق – ىشكى جالپى ءونىمنىڭ ءوسۋى ەمەس، تۇراقتى جۇمىسپەن قامتۋ جانە حالىق تابىسىنىڭ ءوسۋى، – دەدى ج.احمەتبەكوۆ.

ول ءوز ارىپتەستەرىنە پارتيانىڭ ساي­لاۋ­­الدى باعدارلاماسىنىڭ نەگىزگى تار­ماق­تارىنىڭ ءبىرى نەسيە راقىمشىلىعىن جۇر­گىزۋ تۋرالى ۇسىنىس ەكەنىن ەسكە سالدى.

– بىردەن ايتا كەتەيىن، ءبىز بارلىق نەسيەلەردىڭ، اسىرەسە ءسان-سالتانات زاتتارىنا، تويلارعا جانە ساپارلارعا الىنعان نەسيەلەردىڭ كەشىرىلۋىنە قارسىمىز. ءبىز پاندەمياعا دەيىن ادال سالىق تولەگەن، بىراق شەكتەۋ شارالارىنىڭ سالدارىنان ومىرلىك قيىن جاعدايعا تاپ بولعان كاسىپكەرلەر مەن قىزمەتكەرلەردى قولدايمىز. الەۋمەتتىك شيەلەنىستىڭ دەڭگەيى جوعارى ەكەنىن كورىپ وتىرمىز. ونى ازايتۋ ءۇشىن ناقتى شارالار قاجەت، – دەپ تۇيىندەدى ج.احمەتبەكوۆ.

سونداي-اق، الماتىدا ەرەكشە فلەشموب ءوتتى. پارتيا بەلسەندىلەرى مەن ەرىكتىلەرى «جۇدىرىقتىڭ»، ياعني، قازاقستان حالىق پارتياسىنىڭ لوگوتيپىندە بەينەلەنگەن سيمۆولدىڭ بەينەسىن جاسادى. وسىلايشا، قاتىسۋشىلار الداعى پارلامەنت ءماجىلىسى مەن ءماسليحاتتار دەپۋتاتتىعىنا كانديداتتاردى قولدادى.

– ءبىز جاستارىمىزدى پاتريوتيزم رۋحىندا تاربيەلەۋدى يدەولوگيامىزدىڭ باستى مىندەتى دەپ سانايمىز. ءبىز بولاشاق ۇرپاعىمىزدى مورالدىق-ادامگەرشىلىك، مادەني، رۋحاني قۇندىلىقتار رۋحىندا تاربيەلەۋگە ءتيىسپىز. بارلىق ەتنيكالىق، ءدىني توپتاردىڭ مۇددەلەرىن جانە ۇلتتىق قاۋىپسىزدىك تالاپتارىن تەڭ دارەجەدە ەسكەرەتىن جالپىۇلتتىق يدەولوگيانى تانىمال ەتۋ ماڭىزدى، – دەدى كانديدات سۆەتلانا كان.