قوعام • 07 قاڭتار، 2021

كوكپار ۇيىمداستىرۋشىسى جاۋاپقا تارتىلدى

23 رەت كورسەتىلدى

تۇركىستان وبلىسىنىڭ پوليتسەيلەرى كارانتينگە قاراماستان كوكپار وتكىزگەن تۇرعىندى انىقتادى، – دەپ حابارلايدى Egemen.kzء تىلشىسى Polisia.kz سايتىنا سىلتەمە جاساپ.

تۇركىستان وبلىسى باس سانيتارلىق دارىگەرىنىڭ قاۋلىسىنا سايكەس وبلىس بويىنشا كارانتين رەجيمىن ساقتاۋ، ياعني بەتپەردە تاعىپ ءجۇرۋ، اراقاشىقتى ساقتاۋ مىندەتتەلگەن. بۇگىنگى تاڭدا وسى تالاپتاردىڭ ورىندالۋى ءتيىستى ورگانداردىڭ قاتاڭ باقىلاۋىندا. ونىڭ ىشىندە تۇركىستان وبلىسى پوليتسيا دەپارتامەنتىنىڭ قىزمەتكەرلەرى ارنايى قۇرىلعان موبيلدىك توپتارمەن جۇيەلى تۇردە جۇمىستار جۇرگىزۋدە. مىسالى، تولەبي اۋدانىنىڭ پوليتسەيلەرى كارانتيندىك رەجيم مەن سانيتارلىق-ەپيدەميولوگيالىق نورمالاردى بۇزا وتىرىپ، وتكىزىلىپ جاتقان كوكپاردى انىقتادى. تەكسەرۋ كەزىندە جەرگىلىكتى تۇرعىن الاتاۋ اۋىلدىق وكرۋگى اۋماعىندا 100-گە جۋىق ادامنىڭ باسىن قوسىپ كوكپار جاساعانىن ايقىندادى.

موبيلدىك توپ بىردەن شوعىرلانعان ادامدار توبىن تارقاتىپ، ولارعا كارانتين تالاپتارىنا جول بەرمەۋ تۋرالى ءتۇسىندىرۋ اڭگىمەلەرىن وتكىزدى. سونداي-اق شەكتەۋ شارالارىنا قاراماستان كوكپار ۇيىمداستىرۋشىسىن جاۋاپقا تارتتى. وعان قاتىستى قر اقبتك-ءنىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردى بۇزۋ) بويىنشا ءىس-قۇجاتتارى جيناقتالىپ، سەس-كە جولداندى. تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ قىزمەتكەرلەرىمەن تۇرعىنعا 30 اەك كولەمىندە ايىپپۇل سالىندى. ەستەرىڭىزگە سالا كەتسەك، وبلىستا سانيتارلىق-ەپيدەميولوگيالىق نورمالار تالاپتارىن بۇزۋشىلاردى انىقتاۋ بويىنشا، كۇندەلىكتى پروفيلاكتيكالىق جانە رەيدتىك ءىس-شارالار جۇرگىزىلۋدە. سوندىقتان تۇركىستان وبلىسىنىڭ پوليتسەيلەرى ازاماتتاردى كارانتين رەجيمىن قاتاڭ ساقتاۋعا، مەديتسينالىق بەتپەردە كيۋگە، انتيسەپتيكتەردى قولدانۋعا جانە الەۋمەتتىك قاشىقتىقتى ساقتاۋعا شاقىرادى.


سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار