جاقىندارىنىڭ ايتۋىنشا, ولار جىگىتتى جۇمىس ىزدەپ كەتكەن بولار دەگەن ويمەن مۇلدە ىزدەمەگەن. ويتكەنى بۇدان بۇرىن دا ول 2-3 رەت ءىز-ءتۇزسىز كەتىپ, جۇمىس ىستەپ, قايتا ورالعان ەكەن. بەسىنشى اي بولا باستاعاندا حابارسىز كەتكەن ۇلىن ۋايىمداعان اتا-انا ءوز بەتىنشە ىزدەگەن, بىراق ودان ناتيجە شىقپاعان. وسىدان سوڭ ولار پوليتسيانىڭ كومەگىنە جۇگىنگەن.
اتالعان جايتتى پوليتسەيلەر بىردەن تىركەۋگە الىپ, جىگىتتى ىزدەۋگە كىرىسەدى. وبلىس كولەمىندەگى اۋداندىق, قالالىق پوليتسيا باسقارما, بولىمدەرىنە باعىتنامالار جىبەرىلەدى. سونىمەن قاتار ءتارتىپ ساقشىلارى جوعالعان جىگىتتى تەز ارادا تابۋ ماقساتىندا سۇراستىرۋ جۇمىسىن جۇرگىزەدى.
ناتيجەسىندە ءتورت كۇننەن سوڭ ءىز-ءتۇزسىز كەتكەن جىگىتتىڭ جۇرگەن جەرى انىقتالىپ, جەدەل ۋاكىلدەر سول مەكەنجايعا جەتەدى. ياعني پوليتسەيلەردىڭ ىزدەستىرۋ جۇمىستارىنىڭ ناتيجەسىندە ول شىمكەنت قالاسىندا قۇمار ويىندارىن ويناپ جۇرگەن جەرىنەن انىقتالىپ, پوليتسيا بولىمىنە جەتكىزىلدى.
جوعالعان جىگىت قالتاسىنداعى ازىن-اۋلاق اقشاسىمەن جۇمىس ىزدەپ شىعىپ كەتىپ, الايدا قۇمار ويىندارىنا دەگەن قىزىعۋشىلىعىنىڭ اسەرىنەن تاپقان اقشاسىنىڭ بارلىعىن ويىنعا جۇمساپ, كەرى قايتايىن دەسە جاقىندارىنا ايتۋعا باتا الماي, شىمكەنت قالاسىندا قالىپ قويعان.
جىگىتتىڭ اناسى پوليتسيا قىزمەتكەرلەرىنىڭ جەدەل تۇردە ىزدەستىرۋ جۇمىستارىن جۇرگىزىپ, ۇلىن ءدىن امان تاپقانىنا العىسىن جەتكىزدى.
وسى رەتتە وبلىس پوليتسەيلەرى بارلىق تۇرعىندارعا ەسكەرتەدى, ەگەردە جاقىنىڭىز نەمەسە تانىسىڭىز ءىز-ءتۇزسىز كەتكەن بولسا بىردەن ۋاقىت جوعالتپاي پوليتسيا قىزمەتكەرلەرىنە حابار بەرىڭىز. دەر كەزىندە بەرىلگەن حابار جوعالعان جاننىڭ تابىلۋىنا ءوز سەپتىگىن تيگىزبەك.
