تاعايىنداۋ • 07 قاڭتار، 2021

قىزىلوردا وبلىسى بويىنشا سوتتار اكىمشىسىنىڭ باسشىسى تاعايىندالدى

33 رەت كورسەتىلدى

جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتى باسشىسىنىڭ ورىنباسارى نۇرسۇلتان بايتىلەسوۆ قىزىلوردا وبلىستىق سوتىنىڭ ۇجىمىنا سوتتار اكىمشىسىنىڭ جاڭا باسشىسى ساعاتبەك سۇلەيمەندى تانىستىردى، دەپ حابارلايدى Egemen.kz قىزىلوردا وبلىستىق سوتىنىڭ ءباسپاسوز قىزمەتىنە سىلتەمە جاساپ.

جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتى باسشىسىنىڭ ورىنباسارى نۇرسۇلتان بايتىلەسوۆ قىزىلوردا وبلىستىق سوتىنىڭ ۇجىمىنا سوتتار اكىمشىسىنىڭ جاڭا باسشىسى ساعاتبەك سۇلەيمەندى تانىستىردى.

نۇرسۇلتان بايتىلەسوۆ پەن قىزىلوردا وبلىستىق سوتىنىڭ توراعاسى قامبار نۇرىشەۆ ساعاتبەك سۇلەيمەننىڭ سوت جۇيەسىندەگى كاسىبيلىگىن، جەكە قاسيەتتەرىن، ءبىلىمى مەن جۇمىس تاجىريبەسىن اتاپ ءوتتى. سپيكەرلەر ءوڭىر سوتتارىنىڭ جۇمىس ساپاسىن ارتتىرۋ ءۇشىن بارلىق كۇش-جىگەرىن سالاتىنىنا سەنىم ءبىلدىردى.

جۇمىس ساپارى بارىسىندا ن. بايتىلەسوۆ وبلىستىق سوت باسشىلىعىمەن جاڭا اكىمشىلىك راسىمدىك-پروتسەستىك كودەكس شەڭبەرىندە قۇرىلاتىن مامانداندىرىلعان سوتتى ورنالاستىرۋ جوسپارىن تالقىلادى.

1

دەپارتامەنت باسشىسىنىڭ ورىنباسارى قىزىلوردا قالاسىنىڭ №2 سوتىنا، قالالىق، مامانداندىرىلعان اكىمشىلىك، ەكونوميكالىق، قىلمىستىق، تەرگەۋ سوتتارىنا باردى. ول سوت مۇراجايىمەن، وقۋ ورتالىعىنىڭ، ءباسپاسوز ورتالىعىنىڭ جانە مەدياتسيا كابينەتىنىڭ جۇمىسىمەن تانىستى. سوت قىزمەتكەرلەرىمەن كەزدەسىپ، جوعارعى سوتتىڭ سوت جۇيەسىنىڭ اشىقتىعىن قامتاماسىز ەتۋ، سوت ءىسىن جۇرگىزۋدە تسيفرلىق تەحنولوگيالاردى كەڭىنەن قولدانۋ جانە جاڭا اكىمشىلىك سوتتاردى قۇرۋ بويىنشا جۇرگىزىپ جاتقان جۇمىستارى تۋرالى حاباردار ەتتى. سونىمەن قاتار، ماتەريالدىق-تەحنيكالىق جابدىقتاۋ، ۇيىمداستىرۋ ماسەلەلەرىنە جانە ەلەكتروندىق سوت تورەلىگى سەرۆيستەرىنىڭ جۇمىسىنا ەرەكشە نازار اۋدارىلدى. 

انىقتاما:

سۇلەيمەن ساعاتبەك بولاتبەك ۇلى 1962 جىلى قىزىلوردا وبلىسىندا دۇنيەگە كەلگەن. 1987 جىلى س.كيروۆ اتىنداعى قازاق مەملەكەتتىك ۋنيۆەرسيتەتىن قۇقىقتانۋ ماماندىعى بويىنشا بىتىرگەن.

2003 جىلدان باستاپ قىزىلوردا قالالىق سوتىنىڭ سۋدياسى، شيەلى اۋداندىق، قىزىلوردا قالالىق №2 سوتتارىنىڭ، قىزىلوردا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى، سونداي-اق باس پروكۋراتۋرادا پروكۋروردىڭ اعا كومەكشىسى، دەپارتامەنتتىڭ پەرسونالدى باسقارۋ ءبولىمى مەڭگەرۋشىسىنىڭ ورىنباسارى جانە جوعارعى سوت توراعاسىنىڭ كەڭەسشىسى قىزمەتتەرىن اتقارعان.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار