تاعايىنداۋ • 07 قاڭتار، 2021

قوستاناي وبلىستىق سوتىنا جاڭا توراعا تاعايىندالدى

22 رەت كورسەتىلدى

قازاقستان رەسپۋبليكاسى جوعارعى سوتىنىڭ توراعاسى جاقىپ اسانوۆ قوستاناي وبلىستىق سوتىنىڭ جاڭادان تاعايىندالعان توراعاسى اناتولي سەرگەەۆيچ ءسموليندى قاشىقتان تانىستىردى، دەپ حابارلايدى Egemen.kz قوستاناي وبلىستىق سوتىنىڭ رەسمي سايتىنا سىلتەمە جاساپ.

وبلىستىق سوت ءباسپاسوز قىزمەتىنىڭ مالىمەتىنشە ، شاراعا وبلىس اكىمىنىڭ ورىنباسارى، قۇقىق قورعاۋ جانە مەملەكەتتىك ورگانداردىڭ باسشىلارى، سوت جۇيەسىنىڭ ارداگەرلەرى، سوت القالارىنىڭ توراعالارى مەن سۋديالار، سونداي-اق سوتتار اكىمشىسىنىڭ باسشىلىعى قاتىسقان.

ءىس-شارانى اشقان ج.اسانوۆ قوستاناي وبلىستىق سوتىنىڭ توراعاسى قىزمەتىن اتقارعان اسلامبەك مەرعاليەۆكە تابىس تىلەپ، سوت جۇيەسىنىڭ دامۋىنا قوسقان ۇلەسى ءۇشىن العىسىن ءبىلدىردى.

«قازاقستان رەسپۋبليكاسى سوتتارىنىڭ توراعالارى مەن سۋديالارىن قىزمەتكە تاعايىنداۋ مەن قىزمەتتەن بوساتۋ تۋرالى» قازاقستان رەسپۋبليكاسى پرەزيدەنتىنىڭ 2020 جىلعى 31 جەلتوقسانداعى جارلىعىمەن ا.مەرعاليەۆ اقتوبە وبلىستىق سوتىنىڭ توراعاسى قىزمەتىنە تاعايىندالدى.

«ا.سمولين سوت جۇيەسىندە 31 جىل جۇمىس ىستەگەن، ول ەكى اۋداندىق سوتتىڭ توراعاسى، سولتۇستىك قازاقستان وبلىستىق سوتىنىڭ القا توراعاسى، قر جوعارعى سوتىنىڭ سۋدياسى بولعان، قر جوعارعى سوتىنىڭ قاداعالاۋ القاسىن باسقارعان، سونداي–اق قر جوعارى سوت كەڭەسىنىڭ توراعاسى قىزمەتىن اتقارعان.

ونىڭ سوت جۇيەسىنە سىڭىرگەن بارلىق ەڭبەگىن، تاجىريبەسى مەن ءبىلىمىن ەسكەرە وتىرىپ، مەملەكەت باسشىسى ا.ءسموليندى وسى لاۋازىمعا تاعايىنداۋ تۋرالى شەشىم قابىلدادى»، - دەپ جاڭا قىزمەتىنە تابىس تىلەپ، تۇيىندەدى ج.اسانوۆ.

1

«جاقىپ قاجمان ۇلى، ءبىز ۇجىممەن بىرگە ءسىزدىڭ سەنىمىڭىزدى ەڭبەككە دەگەن ساپالى جانە ادال قارىم-قاتىناسىڭىزبەن اقتاۋعا تىرىسامىز جانە ءسىز باستاماشى بولىپ تابىلاتىن رەفورمالاردى جۇزەگە اسىرۋعا ىقپال ەتەتىن بولامىز»، - دەپ اتاپ ءوتتى سوت توراعاسى ا.سمولين.

قۇقىق قورعاۋ جانە مەملەكەتتىك ورگانداردىڭ باسشىلارىنا ارناعان سوزىندە ا. سمولين سالتاناتتى ىس–شاراعا قاتىسقانى ءۇشىن العىسىن ءبىلدىرىپ، اركىمنىڭ فۋنكتسيالارى ءارتۇرلى، بىراق مىندەتىمىز ءبىر ول مەملەكەتتىڭ يگىلىگى ءۇشىن جۇمىس ىستەۋ جانە ادام قۇقىقتارىن نىعايتۋ ەكەنىن اتاپ ءوتتى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار