«قازاقستانداعى پراۆوسلاۆ حريستياندارىن روجدەستۆو مەرەكەسىمەن شىن جۇرەكتەن قۇتتىقتايمىن! بۇل جارقىن دا مەيىرىمدى مەيرام ءاربىر ۇيگە, ءاربىر وتباسىنا اماندىق, باقىت, تىنىشتىق اكەلسىن!» - دەپ جازدى ن. نىعماتۋلين.
ءماجىلىس توراعاسىنىڭ پىكىرىنشە, بۇل مەرەكە قازاقستاندىقتاردى ىزگىلىككە, بىرلىك پەن ىنتىماققا شاقىرادى. نۇرلان نىعماتۋلين وسى جولدا تۇڭعىش پرەزيدەنتىمىز, ەلباسى نۇرسۇلتان نازارباەۆ جانە مەملەكەت باسشىسى قاسىم-جومارت توقاەۆ ارقاشاندا ۇلتارالىق تاتۋلىقتى, حالىقتار بىرلىگى مەن دىنارالىق بايلانىستاردى نىعايتۋعا باسا نازار اۋدارعانىن ايتا كەلە, ەلىمىزگە تۇراقتىلىق, بارشا قازاقستاندىقتارعا زور دەنساۋلىق تىلەدى.
