دەپۋتاتتار يندۋستريالدى-يننوۆاتسيالىق دامۋ باعدارلاماسىنىڭ اياسىندا ىسكە قوسىلعان گازدى پورشەندى ەلەكتر ستانتسياسىن ارالادى, ستانتسيا ۇجىمىمەن كەزدەستى, جاڭادان اشىلعان جۇمىس ورىندارىن كوردى جانە ەكونوميكانى ءارتاراپتاندىرۋ, يندۋستريالاندىرۋ جانە وتاندىق تاۋارلاردى سىرتقى نارىققا شىعارۋ ماسەلەلەرىمەن تانىستى.
سەناتورلار كەزدەسۋلەردە مەملەكەت باسشىسىنىڭ حالىقتىڭ ءومىر ءسۇرۋ دەڭگەيىن جاقسارتۋعا باعىتتالعان تاپسىرمالارى بويىنشا قابىلدانعان ماڭىزدى زاڭدار تۋرالى حاباردار ەتتى جانە وسى باعىتتار بويىنشا پارلامەنت قابىرعاسىندا اتقارىلىپ جاتقان شارالار تۋرالى ايتىپ بەردى. جاڭاوزەن قالاسىنداعى قانت زاۋىتىنىڭ ەڭبەك ۇجىمىمەن كەزدەسۋدە 2020 جىلى قازاقستاندا قابىلدانعان جاڭا زاڭدار, ولارعا ەنگىزىلگەن تۇزەتۋلەر مەن تولىقتىرۋلار تۋرالى ايتىلىپ, قويىلعان سۇراقتارعا جاۋاپ بەردى.
ء"بىلىم-يننوۆاتسيا" ليتسەي-ينتەرناتىنىڭ ۇستازدارىمەن كەزدەسۋ بارىسىندا زاڭنىڭ ءىس جۇزىندە قالاي جۇمىس ىستەپ جاتقانى تۋرالى, ونىڭ ىشىندە, پەداگوگتاردىڭ قوعامداعى بەدەلىنىڭ كوتەرىلۋىمەن قاتار ولاردىڭ ەڭبەكاقىسىنىڭ ۇلعايۋى تۋرالى دا ايتىلدى.
سەناتورلار «مۇنايشى» مادەنيەت ۇيىندە قالا تۇرعىندارىمەن كەزدەسۋ بارىسىندا ماڭعىستاۋ وبلىسى جاڭاوزەن قالاسىنىڭ وڭتۇستىگىنە تامان 70 شاقىرىمدا ورنالاسقان «كەندىرلى» ايماعىنداعى توقماق جەرىندە سۋ تۇششىتۋ زاۋىتى قۇرىلىسىن سالۋ جوسپارى تۋرالى ماسەلە تالقىعا سالىندى. ونىڭ جاڭاوزەن قالاسىنىڭ الەۋمەتتىك-ەكونوميكالىق دامۋى ءۇشىن اسا ماڭىزدى ەكەندىگى اتاپ ءوتىلدى.
