تۇرعىندار قابىلداۋعا بۇعان دەيىن تەلەفون ارقىلى حابارلاسىپ, جازىلاتىن. 1 قاڭتاردان باستاپ قالا اكىمىنىڭ قابىلداۋىنا جازىلۋ جازباشا تۇردە جۇرگىزىلۋدە. ياعني, ازاماتتار قالا اكىمدىگىنە كەلىپ, حالىقتىق كەڭسەگە (فرونت-وفيس) ءوتىنىش جازىپ قالدىرسا جەتكىلىكتى. ءوز كەزەگىندە قالا اكىمى قابىلداۋعا جازىلۋدا ەشقانداي ماسەلە تۋىنداماۋ قاجەت ەكەنىن, كەز كەلگەن ازاماتتىڭ ماسەلەسىن تىڭداۋعا ءازىر ەكەنىن ايتتى.
بۇگىنگى قابىلداۋدا تۇرعىندار نەگىزىنەن, جۇمىسپەن قامتۋ, قوعامدىق كولىك جانە زاڭسىز قۇرىلىس ماسەلەلەرى بويىنشا شاعىمدارىن جەتكىزدى. اباي اۋدانى ب.مومىش ۇلى كوشەسىنىڭ تۇرعىنى باۋىرجان دۇيسەنوۆ پەن قوشقار اتا كوشەسىنىڭ تۇرعىنى جانىبەك ابدۋرايىپ جۇمىسپەن قامتۋ شارالارى بويىنشا شاعىمدارىن جەتكىزدى. ولار قوعامدىق جۇمىسقا تارتىلعانىن, الايدا تۇراقتى جۇمىسپەن قامتىلۋدى سۇرايدى.
قالا اكىمى ءتيىستى سالا باسشىلارىنا جەكە كومپانيالارمەن كوپتەپ مەموراندۋم جاساۋ قاجەت ەكەنىن مالىمدەدى. سونداي-اق, مۇرات دۇيسەنبەك ۇلى قوعامدىق جۇمىس ارقىلى دا وزدەرىن دامىتۋعا, مىقتى مامان ەكەنىن دالەلدەۋگە مۇمكىندىك بارىن اتاپ ءوتتى.
ال اباي اۋدانى اقتاس كوشەسىنىڭ تۇرعىنى ءلايلا قاينازاروۆا جەر ۋچاسكەلەرىن زاڭسىز يەلەنۋ جانە ماقساتسىز پايدالانۋ ماسەلەسىن كوتەردى. قاراتاۋ اۋدانى تۇلپار شاعىناۋدانىنىڭ تۇرعىنى ءۇرزادا ەساليەۆانى دا وسىنداي ماسەلە مازالايدى. قالا اكىمى بۇل ورايدا زاڭدى تەكسەرۋلەر جۇرگىزىلىپ, ناقتى شەشىمدەر قابىلداناتىنىن ايتتى.
م.ايتەنوۆ تۇرعىندار ماسەلەسىن شەشۋ ءۇشىن ءتيىستى باسقارما باسشىلارىنا ناقتى تاپسىرمالار جۇكتەدى. جالپى ونلاين رەجيمدەگى قابىلداۋدا قالا اكىمىنىڭ ورىنباسارلارى, باسقارما باسشىلارى, اۋدان اكىمدەرى قاتىسىپ, تۇرعىندار ساۋالىنا جاۋاپ بەردى.
