اۋدان باسشىسىنىڭ ايتۋىنشا, بيىلعى جىلى سونىمەن بىرگە №11 ەمحانا عيماراتىن كۇردەلى جوندەۋمەن سەيسميكالىق نىعايتۋ جۇرگىزىلەدى. وسىعان وراي جسق ازىرلەنىپ, بيىل وسى ەكى نىسان بويىنشا قۇرىلىس-مونتاج جۇمىستارىن باستاۋ جوسپارلانۋدا. سونداي-اق قازىرگى ۋاقىتتا ءبىر اۋىسىمدا 240 ادام قابىلدايتىن ەمحانا سالۋ ءۇشىن جوبالىق قۇجاتتامانى ازىرلەنۋدە. ال كوكمايسا شاعىن اۋدانىنىڭ تۇرعىندارىنا ىڭعايلى بولۋ ءۇشىن مەديتسينالىق پۋنكتى اشىلعان. وندا تۇرعىندار ءمامس جانە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە بازالىق مەديتسينالىق قىزمەتتەردى الا الادى.
ءبىلىم بەرۋ نىساندارىن اشۋعا بايلانىستى 300 ورىندىق №57, 150 ورىندىق №102, 600 ورىندىق №177 مەكتەپتەرگە جاپسارلاس قۇرىلىستار جۇرگىزىلۋدە. بۇل مەكتەپتەردەگى جاپسارلاس قۇرىلىستى اياقتاۋ مەرزىمى اعىمداعى جىلدىڭ قىركۇيەگىنە جوسپارلانىپ وتىر. سونىمەن قاتار, №43 مەكتەپتىڭ اسحاناسىنا جاپسارلاس قۇرىلىس سالۋ جانە №80 جانە №129 مەكتەپتەردە سەيسميكالىق كۇشەيتۋمەن كۇردەلى جوندەۋ جۇرگىزۋ جوسپارلانۋدا (جسق ازىرلەنگەن).
قاجەتتىلىككە بايلانىستى قالا اكىمى №103, 112, 148, 101 مەكتەپتەرگە جاپسارلاس قۇرىلىستار سالۋ ءۇشىن جسق ازىرلەۋ جونىندەگى ۇسىنىسقا قولداۋ بىلدىرگەن. قازىرگى كەزدە جوبالىق قۇجاتتامانى ازىرلەۋ جۇمىستارى بيىل باستالادى. بۇدان بولەك, اينابۇلاق-4 ش/ا ورنالاسقان قاراۋسىز قالعان بالاباقشانىڭ ورنىنا 160 ورىندىق جاڭا بالاباقشا سالىنادى. جسق مەملەكەتتىك ساراپتامانىڭ قاراۋىندا جاتىر. سونداي-اق, الماتى اۆتومەحانيكالىق كوللەدجىنىڭ ستۋدەنتتەرى ءۇشىن 350 ورىندىق جاتاقحانا قۇرىلىسىن باستاۋ جوسپارلانۋدا.
