وقيعا • 06 قاڭتار، 2021

ەل تاۋەلسىزدىگىنىڭ مەرەيلى بەلەسى («وردالى ەلگە وتىز جىل» اتتى كىتاپ كورمەسى اشىلدى)

892 رەت كورسەتىلدى

ۇلتتىق اكادە­ميالىق كىتاپحانادا ەل تاۋەلسىزدىگىنىڭ 30 جىلدىق مەرەيتويىنا وراي «وردالى ەلگە وتىز جىل» اتتى ءيلليۋستراتيۆتى كىتاپ كورمەسىنىڭ اشىلۋى ءوتتى. كورمەگە ەل تاۋەل­سىزدىگىنىڭ دامۋى مەن مەملەكەت رەتىندە قالىپتاسۋىن، سونداي-اق ەلىمىزدىڭ جەتكەن جە­تىس­تىك­تەرى مەن تولايىم تابىستارىن باياندايتىن ەكى مىڭنان اسا كىتاپتار قويىلدى.

كورمەنىڭ ماقساتى – از ۋاقىتتا وردالى ەلگە اينالعان تاۋەلسىز قازاقستاننىڭ دەربەس مەملەكەت رەتىندە قالىپتاسۋ تاري­حىنا شولۋ جاساي وتىرىپ، تۇركى قاعا­نات­تارى، التىن وردا مەن اق وردانىڭ جانە قازاق حاندىعىنىڭ قۇرىلۋىنان باستاپ، حا­لىقارالىق قاۋىمداستىقتىڭ تورىنە شىق­قان بۇگىنگى قازاقستاننىڭ جەتىس­تىك­تەرىن كوپشىلىك قاۋىمعا ۇسىنۋ. قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆتىڭ كەمەل ساياساتى مەن ەرەن ەڭبەگى ارقىلى ەلىمىزدىڭ جەتكەن جەتىستىكتەرى مەن تولايىم تابىستارىن، سونداي-اق قازاقستاندىق قوعامداعى ساياسي، ەكونوميكالىق، الەۋمەتتىك جانە رۋحاني يگى وزگەرىستەر بەلەسىن كوپشىلىككە تانىتۋ.

كورمەنىڭ «بابالار ارمانى ─ ماڭگىلىك ەل» اتتى بولىمىندە تاۋەلسىزدىك جولىندا كۇرەسكەن تاريحي كەزەڭدەرگە شولۋ جاسالعان. ءحVىىى-حح عاسىرلاردا قازاق دالاسىندا رەسەي وتارشىلدارىنا قارسى بىرنەشە ءىرى ۇلت-ازاتتىق قوزعالىستاردىڭ، قازاق حال­قى­نىڭ تاۋەلسىزدىك پەن دەربەس دامۋ جولىندا سىرىم دات ۇلى، يساتاي تايمان ۇلى مەن ماحامبەت وتەمىس ۇلىنىڭ، كەنەسارى قاسىم ۇلى باستاعان كوتەرىلىستەرى تۋرالى ماڭىزدى دەرەكتەر توپتاستىرىلعان. سونداي-اق الاش ارىستارى ءاليحان بوكەيحانوۆ، احمەت بايتۇرسىنوۆ، مىرجاقىپ دۋلاتوۆ سىندى جەتەكشىلىك ەتكەن ۇلت زيالىلارىنىڭ جاڭا ورلەۋ الا باستاعان ۇلت-ازاتتىق قوزعا­لىس­­قا قاتىستى كىتاپتارى مەن زەرتتەۋ ەڭ­بەك­تەرى بەرىلگەن. ال «وردالى ەلگە وتىز جىل» اتتى ءبولىم ەگەمەن قازاقستاننىڭ دەر­­بەستىگىن قالىپتاستىرۋ مەن ەلىمىز تۇعى­رىن نىقتاپ، كەرەگەسىن كەڭەيتىپ، ىرگەسىن بەكى­تىپ جانە مەملەكەتىمىزدىڭ شىن مانىندە، كەمەلىنە كەلىپ، الەمدىك ساياساتتىڭ تورىنە وزعان كەزەڭدەرىن سيپاتتايتىن بولىگى.

جيىن سوڭىندا 2021 جىلدى ۇلتتىق اكادە­ميا­لىق كىتاپحانا باستاماسىمەن بالالار ادەبيەتى جىلى دەپ جاريالاۋ ۇسىنىلىپ وتىر. كورمە جىل بويى جالعاساتىن بولادى جانە جاڭا مالىمەتتەرمەن جاڭارتىلىپ، تولىقتىرىلادى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

ۇقساس جاڭالىقتار