جاۋاپتى مەملەكەتتىك لاۋازىمدى اتقاراتىن تۇلعالار مەن ولاردىڭ جۇبايلارى, مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن تۇلعالار مەن ولاردىڭ جۇبايلارى جانە تۇلعالارعا تەڭەستىرىلگەن ادامدار مەن ولاردىڭ جۇبايلارى مۇلكىن جاريا ەتۋى ءتيىس. دەكلاراتسيالاۋعا جىلجىمايتىن م ۇلىك, جەر ۋچاسكەلەرى, اۋە جانە تەڭىز كەمەلەرى, كولىك قۇرالدارى, ارنايى تەحنيكالار, شەتەلدىك بانكتەردەگى ەسەپشوتتارى ساقتالعان قاراجاتتارى جاتادى.
- وبلىس بويىنشا ءبىرىنشى كەزەكتە جالپىعا بىردەي دەكلاراتسيا تاپسىراتىن 16847 مەملەكەتتىك قىزمەتكەر بار. ونىڭ ىشىندە 8235-ءى جۇبايلارى. ەگەر شەتەلدە شوتتارى بولسا, اتالعان تۇلعالار ونى جابۋى ءتيىس. ويتكەنى مەملەكەتتىك قىزمەكەرلەر, پارلامەنت دەپۋتاتتارى مەن سۋديالارعا شەتەلدىك بانكتەردە ەسەپ شوت اشۋعا زاڭمەن تىيىم سالىنعان. م ۇلىكتى جاريالاپ, ەسەپشوتتى جابۋعا جارتى جىل ۋاقىت بەرىلدى. ۇلگەرمەگەندەرگە جاپپاي ايىپپۇل سالىنباق, - دەدى عالىمجان ورىنوۆ.
جالپىعا بىردەي دەكلاراتسيالاۋعا كوشۋدىڭ ماقساتى: - كولەڭكەلى ەكونوميكامەن جانە سىبايلاس جەمقورلىقپەن كۇرەس ءۇشىن جەكە تۇلعالاردىڭ تابىستارى مەن مۇلكىنە ءتيىمدى باقىلاۋ جۇيەسىن قۇرۋ. سالىق بازاسىن كەڭەيتۋتە, جەكە تابىس سالىعىنىڭ بيۋدجەتكە ءتۇسىمىن ارتتىرۋ.
