مۇندا بىرنەشە اعاش ءۇي ورناتىلدى. تۇندە گيرلياندالار جانىپ تۇرادى. ورتادا جاڭاجىلدىق شىرشا بار. شىرشا جانىنا ۇرلەنگەن اياز اتا مەن اقشا قار قويىلدى. جارمەڭكەدە بۋرگەرگە, حوش ءيىستى سۋسىندارعا تاپسىرىس بەرىپ, مۋزىكا تىڭداۋعا بولادى. ەستەلىك كادەسىيلار, كوسمەتيكالىق بۇيىمدار ساتىلادى.
«وتكەن جىل ءبارىمىز ءۇشىن وڭاي بولمادى. بۇقارالىق ءىس-شارالار توقتاتىلدى. جاڭا جىل قارساڭىندا سۇيىكتىم ەكەۋمىز اتىراۋلىقتارعا, قالا قوناقتارىنا مەرەكەلىك كوڭىل-كۇي سىيلاعىمىز كەلدى. ءبىزدىڭ كاسىپورىننىڭ جۇمىسشىلار اعاش تاقتالاردان ءۇي تۇرعىزدى. جارمەڭكەگە ءوز ونىمدەرىن ۇسىنۋعا جاس كاسىپكەرلەر شاقىرىلدى», دەيدى رۋسلان قۇلماعامبەتوۆ.
ونىڭ ايتۋىنشا, ەۋروپانىڭ ەلدەرىن ارالاپ, ءتۇرلى قالالارداعى جارمەڭكەلەردى كورگەن. سونىڭ ىشىندە لوندون قالاسىنداعىداي جارمەڭكەنى اتىراۋدا ۇيىمداستىرۋدى كوزدەگەن ەكەن.
