وبلىستىق مەملەكەتتىك ەڭبەك ينسپەكتسياسى باسقارماسى ماماندارىنىڭ ايتۋىنشا, جۇمىسشىلاردىڭ ەڭبەكاقىسىن ۋاقىتىلى تولەمەۋ – الەۋمەتتىك جاعدايىنا اسەر ەتەتىن فاكتور. ەڭبەكاقىنى كەشىكتىرۋ مەن تولەمەۋ جاعدايىنا جول بەرمەۋ ءۇشىن ءتيىستى ورگاندارمەن بىرگە جۇيەلى مونيتورينگ جۇرگىزىپ, بىرلەسكەن شارالار قولعا الىندى.
«بىلتىر بىرلەسە اتقارىلعان وسىنداتس شارالاردىڭ ناتيجەسىندە 11 مەكەمەدەگى 1018 جۇمىسشىنىڭ ەڭبەك قۇقىعى قورعالىپ, 263,8 ملن تەڭگە جالاقىسى تولىعىمەن ءوندىرىلدى. قر ەڭبەك كودەكسىنىڭ تالاپتارىن ساقتاماي, ەڭبەكاقىنى مەرزىمىنەن كەشىكتىرگەنى, تولىق تولەم جۇرگىزبەگەنى ءۇشىن مەكەمە باسشىلارىنا زاڭ بۇزۋشىلىقتى جويۋ تۋرالى 20 نۇسقاما بەرىلدى. مەكەمەلەرگە قاتىستى 58 اكىمشىلىك حاتتاما تولتىرىلىپ, 11,3 ملن تەڭگە ايىپپۇل سالىندى. ايىپپۇل تولىعىمەن ءوندىرىلدى», دەپ حابارلادى اتالعان باسقارمادان.
