وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگ بارىسىندا مەدەۋ اۋدانىنىڭ اكىمى اسەت ماساباەۆ الماتى قالاسى اكىمى باقىتجان ساعىنتاەۆتىڭ تاپسىرماسىمەن مەگاپوليستە پاندەمياعا قاراماستان, مەكتەپتەر مەن بالاباقشالارداعى ورىن تاپشىلىعىن ازايتۋ بويىنشا كەشەندى جۇمىستار جالعاسىپ جاتقاندىعىن اتاپ ءوتتى. الماتىدا 2025 جىلعا دەيىن ءبىلىم بەرۋ نىساندارىن ۇدەمەلى سالۋ باعدارلاماسى جۇزەگە اسۋدا. وتكەن جىلى 2 مەكتەپ سالىنسا, بيىلعى جىلى 8 مەكتەپ جانە 17 قوسىمشا قۇرىلىس بوي كوتەرمەك. وسىلايشا, 23 مىڭ وقۋشى ورنى اشىلىپ, بيىل ورىن تاپشىلىعى 73 پايىزعا قىسقارتىلادى.
مەدەۋ اۋدانىندا بارلىعى 43 جالپى ءبىلىم بەرەتىن مەكتەپ جۇمىس ىستەيدى. جالپى كونتينگەنتى 31 353 بولاتىن 28 مەملەكەتتىك مەكتەپ (29 360 ورىن) جانە 15 جەكەمەنشىك مەكتەپ (1 993 ورىن) بار. «وتكەن جىلعى قىركۇيەك ايىندا «دۋماندا» №172 مەكتەپ-گيمنازياسىندا 850 ورىندىق جاڭا عيمارات سالىنىپ, پايدالانۋعا بەرىلدى. سونداي-اق, وتكەن جىلى جەكە ينۆەستورلار ەسەبىنەن كەلەسى مەكتەپتەر سالىنىپ, پايدالانۋعا بەرىلدى: ء«ۋاليحانوۆ اتىنداعى مەكتەپ», «Steam», «ۇركەر», «Poznai-ka مەكتەبى (AMS)», «عانيبەت». ولاردىڭ جالپى جوبالىق قۋاتتىلىعى 1160 ورىنعا ارنالعان جانە 143 تۇراقتى جۇمىس ورنى قۇرىلدى», - دەپ اتاپ ءوتتى ءا.ماساباەۆ. بيىلعى جىلى ورمانوۆ كوشەسى (شىعىس اينالما جولى) مەكەن-جايى بويىنشا جەكە ينۆەستيتسيالار ەسەبىنەن 540 ورىندىق زاماناۋي جەكە مەكتەپ اشۋ جوسپارلانۋدا. الاتاۋ ش/ا ورنالاسقان №7 مەكتەپ عيماراتىنا سەيسميكالىق كۇشەيتۋ ارقىلى كۇردەلى جوندەۋ جۇرگىزىلۋدە. اياقتالۋ مەرزىمى 2021 جىلعى شىلدە. سونىمەن بىرگە, №48 مەكتەپ عيماراتىنىڭ توزۋىنا بايلانىستى قوسىمشا قۇرىلىس ارقىلى كۇردەلى جوندەۋگە جوبالىق-سمەتالىق قۇجاتتار ازىرلەنۋدە. جوبا بيىلعى جىلى ىسكە اساتىن بولادى.
وسىعان ۇقساس جۇمىستار مەكتەپكە دەيىنگى ءبىلىم بەرۋ سالاسىندا دا جۇرگىزىلىپ جاتقانىن اتاپ ءوتۋ كەرەك. بۇگىندە مەدەۋ اۋدانىنىڭ مەكتەپكە دەيىنگى ءبىلىم بەرۋ ۇيىمدارىنىڭ جەلىسى: 18 بوبەكجاي جانە 49 جەكە مەنشىك بالاباقشا جانە 37 شاعىن ورتالىقتاردان تۇرادى. تاربيەلەنۋشىلەردىڭ جالپى سانى 5 100 بالا (مەملەكەتتىك بالاباقشالاردا - 2935, جەكەمەنشىك بالاباقشالاردا - 2165). №114, 116, 141 ءۇش بالاباقشادا عيماراتقا جاپسارلاس جانە قوسىمشا قۇرىلىس ەسەبىنەن ءاربىر بالاباقشادا جوبالىق قۋاتتىلىقتى 50 ورىنعا ۇلعايتا وتىرىپ, كۇردەلى جوندەۋ بويىنشا جۇمىس جالعاسۋدا.
اياقتالۋ مەرزىمى بيىلعى جىلدىڭ ناۋرىزى. وتكەن جىلدىڭ باسىنان بەرى اۋداندا جەكە ينۆەستورلار ەسەبىنەن جالپى جوبالىق قۋاتى 250 ورىندىق 5 جەكەمەنشىك بالاباقشا اشىلدى. بيىل 5 جەكەمەنشىك بالاباقشا مەن شاعىن ورتالىقتار اشۋ جوسپارلانىپ وتىر. سونىمەن بىرگە, اعىمداعى جىلى بىرقاتار الەۋمەتتىك-مادەني نىسانداردى, جەكەمەنشىك بالاباقشالار جانە شاعىن ورتالىقتار, س.نۇرماعامبەتوۆ كوشەسى, 150 مەكەن-جايى بويىنشا High Tech Academy جەكەمەنشىك مەكتەبىن, ءال-فارابي داڭعىلى, 30/5 ۋچاسكەسىندە جەكەمەنشىك «بالەت تەاترىن», دۋمان شاعىن اۋدانىندا اشىق اۋاداعى فيتنەس كلۋب اشۋ مەن الاتاۋ شاعىن اۋدانىندا «شىڭعا ورلەۋ» الەۋمەتتىك جوباسى جۇزەگە اسىرۋ جوسپارلانعان.
ال وتكەن جىلدىڭ قازان ايىنان باستاپ ورتالىق مادەنيەت جانە دەمالىس ساياباعىندا «مۇحتار اۋەزوۆ» ستاديونىندا فۋتبولدان تەگىن سەكتسيا ۇيىمداستىرىلدى. اۋدان اكىمدىگىنىڭ باستاماسىمەن جۇزەگە اسىرىلىپ جاتقان الەۋمەتتىك جوبا اياسىندا كوپبالالى جانە از قامتىلعان وتباسىلاردان شىققان 50 بالا تۇراقتى نەگىزدە تەگىن نەگىزدە فۋتبولمەن اينالىسۋ مۇمكىندىگىنە يە بولدى.
