|
12 ەلدەن 40-تان استام جوبالار قاتىسقان بايقاۋدا الماتىنىڭ “سەرگەك” قوعامدىق جانە جول قوزعالىسى جۇيەسى “كولىكتىڭ زياتكەرلىك جۇيەسى” نوميناتسياسىندا ءبىرىنشى ورىندى يەلەنسە, ماسكەۋلىك زياتكەرلىك باعدارشامدار ەكىنشى ورىندى الدى. جوبالار IDC-ءتىڭ ارنايى جۇلدەلەرىمەن ماراپاتتالدى جانە 2020 جىلدىڭ 0اقىلدى قالالار مەن قوعامداستىقتار”جوبالارىنىڭ ۇزدىكتەر جيناعىنا ەنەتىن بولادى. جالپى بايقاۋ اياسىندا بەس نوميناتسيا بويىنشا 15 قارجىگەر ۇزدىك دەپ جاريالاندى.
- ءبىزدىڭ الدىمىزدا ۇلكەن ماقساتتار تۇردى, مەن جوباعا قاتىسقانداردىڭ بارلىعىنا العىس ايتامىن. مەنىڭشە, بۇل بايقاۋ ورتا ازيانىڭ جاڭا قۇرىلىمدىق جۇيەسىن دامىتۋداعى تاماشا مۇمكىندىك بولىپ تابىلادى ءارى جاساندى زياتكەرلىككە نەگىزدەلەدى, تەك ۆيدەوباقىلاۋ مەن ۆيدەومونيتورينگتەر عانا ەمەس, سونىمەن قاتار زياتكەرلىك اكىمشىلىك قاۋىپسىزدىكتى قامتاماسىز ەتەدى, دەپ اتاپ ءوتتى الماتى قالاسى تسيفرلاندىرۋ باسقارماسىنىڭ باسشىسى بايان قوڭىرباەۆ. جالپى الماتى ەكى نوميناتسيا بويىنشا جۇلدەگە يە بولدى, ونىڭ ىشىندە «COVID-19 پاندەمياسىنا جاۋاپ رەتىندە ەپتىلىك پەن ىنتىماقتاستىقتى ارتتىرۋ ءۇشىن قاۋىپسىزدىك مالىمەتتەرىن پايدالاناتىن قالالار اراسىندا» جۇلدەسى بويىنشا. قورىتىندى تىزىمگە ءۇش باستاما ەندى, ولار : رەين-نەككار-كرەيس وكرۋگىندەگى COVID-19-عا قاتىستى توسەك-ورىندار باسقارماسى, الماتىنىڭ سەلگە قارسى اۆتوماتتاندىرىلعان مونيتورينگ جۇيەسى جانە ۆالەنسياداعى COVID-19 بويىنشا بىرىنعاي اقپاراتتىق جۇيە. پالاتاداعى توسەك قورعانىس قۇرالدارىمەن, جەلدەتكىشتەرى تولىق ءارى قولجەتىمدى, بەلسەندى باسقارۋ دەرەكتەرى جانە ساراپتامالارى بار گەيدەلبەرگ ۋنيۆەرسيتەتىنىڭ, رەين-نەككار-كرەيس وكرۋگىنىڭ 25 اۋرۋحاناسىنىڭ 48 فيليالى COVID-19 بويىنشا جالپى جەڭىمپاز بولىپ تانىلدى. “تسيفرلى قازاقستان” مەملەكەتتىك باعدارلاماسى اياسىندا “اقىلدى قالا” ستراتەگياسىنا سايكەس الماتى قالاسى توتەنشە جاعدايلار دەپارتامەنتى كىشى جانە ۇلكەن الماتى, قارعالى جانە اقساي وزەندەرىنىڭ باسسەيندەرىندە سەل مونيتورينگىن جۇرگىزۋدىڭ اۆتوماتتاندىرىلعان جۇيەسىن ەنگىزۋ بويىنشا جۇمىستار جۇرگىزۋدە. بۇگىندە وسى جوبا اياسىندا “قازسەلدەنقورعانۋ” جانە دەس اۋماقتارىندا اۆتوماتتاندىرىلعان جۇمىس ورىندارى بار 31 ستانتسيا سالىنۋدا. 2019 جىلى 10 ASM ستانتسياسى ىسكە قوسىلدى, ال قالعان 21 ستانتسيانى 2021 جىلى ىسكە قوسۋ جوسپارلانۋدا.
|
