پوليتسيا مايورى قالقامان ورازوۆ قۇقىقتىق ءتارتىپ ورگاندارىندا 27 جىل قىزمەت اتقارىپ, 2020 جىلدىڭ 30 جەلتوقسانىندا زەينەتكە شىقتى. ال ونىڭ سقو ۋنيۆەرسيتەتىن «زاڭتانۋ» ماماندىعى بويىنشا اياقتاعان ۇلكەن ۇلى ولجاس اۋداندىق پوليتسيا بولىمىنە تەرگەۋشى لاۋازىمىنا تاعايىندالدى.
وتباسىنداعى كەنجە ۇل المات تا اكە جولىن قۋدى ارمانداپ وتىر. ول الداعى جىلى ءىىم جوعارعى وقۋ ورنىنا ءتۇسۋدى جوسپارلاپ وتىر.
«مەن, ۇلدارىما مەنىڭ جولىمدى ەمەس, ءوز جۇرەگىڭ قالاعان جولدى تاڭدا» دەۋشى ەدىم. ماعان ءوز اكەم دە وسى وسيەتتى ۇنەمى ايتىپ وتىراتىن», دەيدى قالقامان ورازوۆ.
ءسويتىپ, سقو-دا پوليتسيالاردىڭ ۇرپاقتار ساباقتاستىعى وسىلاي جالعاسىپ, داستۇرگە اينالىپ كەلەدى. جىل سوڭىندا سولتۇستىكقازاقستاندىق پوليتسيا قاتارى 91 جاس وفيتسەر جانە سەرجانتپەن تولىقتى. 2020 جىلدىڭ سوڭعى بۇيرىعىمەن قۇقىقتىق ءتارتىپ ورگاندارىمەن ءوز ءومىرىن بايلانىستىرۋعا شەشىم قابىلداعان 15 مامان لاۋازىمعا تاعايىندالدى.
جاڭا جىل قارساڭىندا سولتۇستىكقازاقستاندىق 8 وفيتسەر قۇرمەتتى ەڭبەك دەمالىسىنا شىقتى.
