كىتاپ سيۋجەتى بويىنشا باستى كەيىپكەرلەر بەيبەرەكەت شاشىلعان قوقىستارمەن كۇرەسىپ, قالدىقتاردى بولەك جيناۋدى ناسيحاتتايدى. سونداي-اق كوبەيتۇز قىزعىلت كولىن, جاسىل جەلەكتى ورماندى كەسۋدەن ساقتاۋدى كورسەتەدى.
ەرتەگىنىڭ جاعىمدى كەيىپكەرلەرى ارقىلى بالالاردى يگى ىستەر مەن تابيعاتقا ۇقىپتى قاراۋعا, ەكو-ادامگەرشىلىك پەداگوگيكا ءادىسى نەگىزىندە جاس ۇرپاقتى تاربيەلەۋ جاتىر.
وكم وپەراتورىنىڭ قولداۋىمەن جارىققا شىققان ەرتەگىلەردىڭ اۆتورى – №83 مەكتەپ-گيمنازياسىنىڭ وقىتۋشىسى اسقار مۇقانوۆ. سونداي-اق ەرتەگىنىڭ جارىققا شىعۋىنا اتالعان مەكتەپتىڭ باستاۋىش سىنىپ مۇعالىمدەرى اتسالىستى. كىتاپ قازاق جانە ورىس تىلدەرىندە جازىلعان.
ەرتەگى كەيىپكەرلەرىنىڭ وبرازدارى «قايتا وڭدەۋگە» بايقاۋىندا توپ جارعان سۋرەتشى بالالاردىڭ سالعان كەيىپكەرلەرىنەن الىنىپ وتىر. سۋرەتشى-يلليۋستراتور يرينا حۆان اتالعان كەيىپكەرلەردى كىتاپ بەتتەرىندە سومدادى. اۆتورلاردىڭ ايتۋىنشا, كىتاپ وتباسىمەن بىرگە وقۋعا ارنالعان جانە قورشاعان ورتاعا ۇقىپتى قاراۋعا تاربيەلەيدى. ەكولوگيالىق داعدىنى قالىپتاستىرىپ, تۇرمىستىق قالدىقتاردى بولەك جيناۋدى ناسيحاتتاۋعا باعىتتايدى.
سونىمەن قاتار «روجدەننىە مەچتات» كوميكسىنىڭ ونلاين تۇساۋكەسەرى ءوتتى. گرافيكالىق روماندا جاسوسپىرىمدەر ەكولوگيالىق ماسەلەنى شەشۋگە كۇش بىرىكتىرەدى. كوميكس اۆتورى – نۇر-سۇلتان قالاسىنىڭ لينگۆيستيكالىق كوللەدجىنىڭ ستۋدەنتى ەۆا اگافونوۆا. ەكولوگيالىق ەرتەگىلەر سەرياسى مەن كوميكس وكم وپەراتورىنىڭ «EcoQolday» ەكولوگيالىق قوزعالىسى اياسىندا دايىندالدى.
كومپانيا دارىندى جاستاردىڭ ەكولوگيالىق جوبالارىن قولداۋعا ءاردايىم نيەتتى. ەكو-ءبىلىم بەرۋ جۇمىسى اياسىندا ەكولوگيالىق ەرتەگىلەردىڭ جاڭا سەريالارىن شىعارۋ, گرينەيكتەردىڭ وقيعالارى تۋرالى انيماتسيالىق مۋلتفيلمدەر مەن بالالار سپەكتاكلىن دايىنداۋ جوسپارلانۋدا.
