« ۇلى دالانىڭ مىڭجىلدىق تاريحىنىڭ ساباقتاستىعىن ساقتاي وتىرىپ» دەگەن تۇجىرىم – وتە سالماقتى نورما. مەنىڭ ويىمشا, پرەامبۋلا ءساتتى جانە ساياسي تۇرعىدان اسا ماعىنالى شىققان», دەپ اتاپ ءوتتى ايمان ۋماروۆا.
ونىڭ ايتۋىنشا, پرەامبۋلانىڭ جاڭا رەداكتسياسىنىڭ باستى كۇشى – قازاق مەملەكەتتىلىگىنىڭ تاريحي ساباقتاستىعىنا باسىمدىق بەرىلۋىندە.
«بۇل نورمانىڭ ءمانى – ءبىز مەملەكەتتىلىگىمىزدىڭ مىڭجىلدىق تاريحپەن تىعىز بايلانىستى ەكەنىن اشىق تۇردە ايتىپ وتىرمىز. بۇل – قازاق حاندىعى مەن قازاق مەملەكەتتىلىگى حح عاسىر وقيعالارىنان الدەقايدا بۇرىن قالىپتاسقانىن ەسكە سالۋ», دەپ تولىقتىردى كونستيتۋتسيالىق كوميسسيانىڭ مۇشەسى.
جاڭا كونستيتۋتسيانىڭ جوباسى پرەامبۋلادان, 11 بولىمنەن جانە 104 باپتان تۇرادى. وزگەرىستەر مەن تولىقتىرۋلار اتا زاڭنىڭ بارلىق بولىمدەرىن قامتىدى. تۇزەتۋلەر 77 باپقا ەنگىزىلدى, بۇل كونستيتۋتسيانىڭ جالپى ءماتىنىنىڭ 84 %-ىن قۇرايدى.
ايتا كەتەيىك, جاڭا اتا زاڭنىڭ ماتىنىمەن قازاقستان رەسپۋبليكاسى كونستيتۋتسيالىق سوتىنىڭ سايتىندا تانىسۋعا بولادى.
