قىزمەت بارىسىندا ۇلتتىق ۇلان جاۋىنگەرى ەلورداداعى ازىق-ت ۇلىك دۇكەندەرىنىڭ بىرىندە توبەدەن سىلاقتار ءتۇسىپ, جەلدەتۋ شاحتاسىنان قويۋ ءتۇتىننىڭ شىعىپ تۇرعانىن بايقايدى. جەدەل ارەكەت ەتكەن ەفرەيتور دۇكەنگە كەلۋشىلەر مەن ساتۋشىلاردى دالاعا شىعۋىن سۇرايدى. ول سول مەزەتتە ءتۇتىننىڭ ەكىنشى قاباتتان شىعىپ جاتقانىن كورەدى.
سويتسە, بۇل دۇكەن ساتۋشىسىنىڭ پاتەرى ەكەن. ۇلاندىق جاۋىنگەر دەرەۋ ءورت ءسوندىرۋشى قىزمەتكە قوڭىراۋ شالادى. وقيعا ورنىنا ءورت ءسوندىرۋ قىزمەتى كەلگەنشە, ءۇي يەسىمەن بىرگە پاتەردەن 3 بالانى قاۋىپسىز جەرگە الىپ شىعادى.
«دۇكەندە تۇرعاندا مەن توبەدەن قۇلاعان زاتتاردى بايقاپ قالدىم, ال ءتۇتىن شىققاندا بارلىعىمىز سىرتقا شىقتىق. دۇكەن يەسى ۋايىمداي باستادى. ويتكەنى تۇتىندەنگەن پاتەر وعان تيەسىلى ەدى. وندا ونىڭ بالالارى بولعان. دەرەۋ الگى پاتەرگە كوتەرىلىپ, ىشىندەگى بالالارى مەن كورشى پاتەردەگى ەكى بالانى سىرتقا شىعاردىق. ءورت سوندىرۋشىلەر كەلگەنشە تەرەزەلەردى اشىپ, ەلەكتر قۇرىلعىلارىن ءوشىردىم», دەيدى ەفرەيتور تەمىرلان امىرعازين.
