جەلتوقسان ايىندا پەتروپاۆل قالاسى پوليتسيا باسقارماسىنىڭ قىزمەتكەرلەرى سانيتارلىق نورمالاردى قاتاڭ ساقتاي وتىرا, باسقارماعا بەكىتىلگەن بەس ۇلى وتان سوعىسىنىڭ ارداگەرى مەن تىل ەڭبەككەرلەرىنە, 24 از قامتىلعان وتباسىنا باردى. جاڭا جىل قارساڭىندا پوگون تاققان اياز اتا مەن اقشاقار سىيلىقتارىن الىپ, مۇمكىندىگى شەكتەۋلى بالا تاربيەلەپ وتىرعان 16 وتباسىندا بولدى. قالالىق ءبولىنىستىڭ قىزمەتكەرلەرى بالالاردى كەلە جاتقان جاڭا جىل مەرەكەسىمەن قۇتتىقتاپ, ارقايسىنا ءداستۇرلى ءتاتتى سىيلىقتار تارتۋ ەتتى.
پەتروپاۆل قالاسى پوليتسيا باسقارماسىنىڭ باستىعى پوليتسيا پولكوۆنيگى جاندوس مۇقاتوۆتىڭ ايتۋىنشا, وسىنداي وتباسىلارعا جاقسىلىق جاساعاندا كوڭىلىنىڭ توق بولادى. بالالاردىڭ قۋانىش ۇيالاعان كوزدەرىن كورگەنىڭ, ولاردى ءوسىرۋ ءۇشىن تىنىم تاپپاي ەڭبەك ەتىپ جۇرگەن اتا-اناسىنىڭ اۋزىنان ەستىگەن «راحمەتى» – ەڭ ۇلكەن سىي. قالامىزدا باقىتتى وتباسىلار مەن دەنى ساۋ بالالاردىڭ كوپ بولعانىن قالايمىز دەيدى.
پەتروپاۆل
