وقۋ ورنى «زاماناۋي مەكتەپ» باعدارلاماسى بويىنشا سالىنىپ, جابدىقتالدى. جاڭا مەكتەپكە پاۆلودار وبلىسىنىڭ اكىمى ابىلقايىر سقاقوۆ كەلدى.
«زاتون» شاعىن اۋدانىندا مەكتەپ قۇرىلىسى 2019 جىلى باستالعان بولاتىن. نىسان 2021 جىلى تاپسىرىلۋى كەرەك ەدى, بىراق مەرزىمىنەن بۇرىن ورىندالدى. ساپاسىنا نۇقسان كەلگەن جوق - مەردىگەرلەردىڭ جۇمىسىن جاۋاپتى ورگاندارمەن قاتار اتا-انالار قاۋىمداستىعى دا قاداعالادى.
جاڭا ءبىلىم وشاعىنا مۇزافار الىمباەۆتىڭ ەسىمى بەرىلدى. قازاقستان حالىق جازۋشىسى, اقىننىڭ قۇرمەتىنە مەكتەپتە شاعىن مۋزەي اشىلدى.
«اتاقتى جەرلەسىمىزدىڭ ەسىمىن مۇنداعى وقۋشىلار مەن ۇستازدار قايتا جاڭعىرتىپ, مەكتەپ بيىك جەتىستەرگە جەتەتىنىنە سەنىمدىمىن», - دەدى ءوڭىر باسشىسى ابىلقايىر سقاقوۆ ونلاين رەجيمىندە وتكەن مەكتەپتىڭ اشىلۋ سالتاناتىنا قاتىسقان وقۋشىلار مەن پەداگوگتارعا.
600 ورىندىق وقۋ ورنىندا بارلىق كابينەتتەر مەن رەكرەاتسيالىق ايماقتار «زاماناۋي مەكتەپ» باعدارلاماسى بويىنشا جابدىقتالدى. اسحانادا «e-pit» جۇيەسى ورناتىلدى, سونىڭ ارقاسىندا مەكتەپ باسشىلىعى تاماقتانۋ ساپاسىن باقىلايدى جانە وقۋشىلاردان پىكىرلەر قابىلدايدى. سونىمەن قاتار مەكتەپتە بارلىق تانىمال سپورت تۇرلەرىمەن اينالىسۋ ءۇشىن سپورت زالى تولىعىمەن جابدىقتالعان.
«مەن دوستارىمدى تەزىرەك كورگىم كەلەدى جانە ولارمەن جاڭا مەكتەپتە كەزدەسۋىم كەرەك. بىزدە قالاداعى ەڭ جاقسى سپورت زالى بولادى دەپ ەستىدىك», دەپ ءبولىستى وقۋشى انەل سولتاباەۆا.
وقۋشىلاردىڭ اتا-انالارى دا ءوز ەموتسيالارىمەن ءبولىستى.
«اتا-انالار اتىنان ءبىزدىڭ شاعىن اۋداندا بالالارىمىز ءۇشىن كوپتەن كۇتكەن مەكتەپ سالىنعانى ءۇشىن ۇلكەن العىسىمدى بىلدىرگىم كەلەدى. ءبىز ونىڭ اشىلۋىن جانە ءبىزدىڭ بالالارىمىز وندا تولىققاندى وقي الاتىن كۇندى اسىعا كۇتتىك. بۇكىل قۇرىلىس بارىسىندا ءبىز بۇل پروتسەستى باقىلاپ وتىردىق. بارلىعى جاقسى جانە جايلى جاسالعانىن اتاپ وتكىم كەلەدى», دەپ اتاپ ءوتتى اتا-انا يۋليا كۋزمەنكو.
ابىلقايىر سقاقوۆ بيىل «زاماناۋي مەكتەپ» باعدارلاماسى بويىنشا جوندەلگەن پاۆلوداردىڭ ءۇش مەكتەبىنە باردى. يننوۆاتسيالىق تيپتەگى №34 مەكتەپتە اكىم جاڭارتىلعان كابينەتتەردى, سپورتزال مەن اسحانانى ارالاپ شىقتى. №28 مەكتەپتە ءوڭىر باسشىسىنا جوعارى سىنىپ وقۋشىلارىنا ارنالعان كابينەتتەر مەن كىتاپحانانى نەعۇرىلىم اشىق ەتىپ جاساۋ تۋرالى شەشىم قابىلدانعانىن ايتىلدى.
ى.التىنسارين اتىنداعى دارىندى بالالارعا ارنالعان گيمنازيا-ينتەرناتىندا ابىلقايىر سقاقوۆقا بيولوگيا, فيزيكا جانە حيميا بويىنشا تاجىريبەلەرگە ارنالعان زەرتحانا, سونداي-اق مۇندا بۇرىن وتكىزىلمەگەن تەحنولوگيالىق ساباقتارعا ارنالعان STEM-كابينەت تانىستىرىلدى. اۋىلدىق ايماقتاردان كەلگەن وقۋشىلار تۇراتىن مەكتەپ جاتاقحانالارىندا دا جوندەۋ جۇمىستارى جۇرگىزىلدى. جالپى «زاماناۋي مەكتەپ» جوباسى بويىنشا بيىل پاۆلوداردىڭ التى مەكتەپ كۇردەلى جوندەۋدەن ءوتتى. باعدارلامانى ىسكە اسىرۋ كەلەسى جانە ودان كەيىنگى جىلدارى دا جالعاسادى.
