قازىرگى ۋاقىتتا وتاندىق زەرتحانادا 31 قىزمەتكەر جۇمىس ىستەيدى. جاقىن ۋاقىتتا شتاتتى ۇلعايتۋ جوسپارلانۋدا. بۇگىنگى تاڭدا لابوراتوريانىڭ سىناما دايىنداۋ جانە پروبيركا دايىنداۋ بولىمدەرى جۇمىس ىستەپ تۇر.
2020 جىلعى شىلدە مەن جەلتوقسان ايلارى ارالىعىندا 40 مىڭعا جۋىق سىناماعا زەرتحانالىق-تالدامالار جۇرگىزىلدى.
زەرتحانانىڭ ارتىقشىلىقتارى رەتىندە ونداعى زاماناۋي جابدىقتارمەن جانە وزىق تەحنولوگيالارمەن وڭدەۋدىڭ جوعارى جىلدامدىعىن, GEMS (LIMS) سىنامالارىن باقىلاۋ ءارى تىركەۋدىڭ اۆتوماتتاندىرىلعان جۇيەسىن اتاپ وتۋگە بولادى. ALS تالدامالارىنىڭ كەشەندى قۇنى باسەكەلەستەرىنەن الدەقايدا تومەن. مۇندا 20-دان استام زەرتتەۋ ءادىسى پاي̆دالانىلادى. زەرتحانانىڭ جابدىقتار كەشەنى بيىلدىڭ وزىندە ونىمدىلىگى تاۋلىگىنە 1200 سىنامانى قۇراي̆تىن 30 ەلەمەنتتى انىقتاۋعا مۇمكىندىك بەرەدى.
زەرتحانانى “ALS KazLab” جشس مەن «قازگەولوگيا» اق بىرلەسكەن جوبا رەتىندە جۇزەگە اسىرىپ وتىر.
نىسان «ۇلت جوسپارى – 100 ناقتى قادامىنا» سايكەس قر ەكولوگيا, گەولوگيا جانە تابيعي رەسۋرستار مينيسترلىگىنە قاراستى «قازگەولوگيا» ۇلتتىق گەولوگيالىق بارلاۋ كومپانياسى» اكتسيونەرلىك قوعامىنىڭ 2016 - 2025 جىلدارعا ارنالعان دامۋ ستراتەگياسى اياسىندا جۇمىسىن باستادى. قازىر اككرەديتتەۋ الۋ ءۇشىن قاجەتتى جۇمىستار جۇرگىزىلۋدە. جوسپار بويىنشا قازاقستاندىق اككرەديتاتسيا 2021 جىلدىڭ 1 جارتىجىلدىعىندا, حالىقارالىق اككرەديتاتسيا 2021 جىلدىڭ سوڭىندا الىنۋى ءتيىس.
