نۇرسۇلتان نازارباەۆ قورىنىڭ قولداۋىمەن قازاقستان رەسپۋبليكاسى كونستيتۋتسيالىق كەڭەسى, اباي اتىنداعى قازاق ۇلتتىق پەداگوگيكالىق ۋنيۆەرسيتەتى, قازاقستان-سوربوننا ينستيتۋتى ۇيىمداستىرعان ءىس-شاراعا رەسپۋبليكامىزدان جانە شەتەلدەن مەملەكەت قايراتكەرلەرى قاتىستى.
ولاردىڭ اراسىندا قازاقستان رەسپۋبليكاسى كونستيتۋتسيالىق كەڭەسىنىڭ توراعاسى قايرات ءمامي, نۇرسۇلتان نازارباەۆ قورىنىڭ اتقارۋشى ديرەكتورىنىڭ ورىنباسارى, قازاقستان رەسپۋبليكاسىنان ەۋروپا كەڭەسى ۆەنەتسيالىق كوميسسياسىنىڭ مۇشەسى يگور روگوۆ, قازاقستان رەسپۋبليكاسى جوعارعى سوتىنىڭ توراعاسى جاقىپ اسانوۆ, نۇر-سۇلتانداعى ەقىۇ باعدارلامالار ءوفيسىنىڭ باسشىسى دەرد سابو, گرۋزيا كونستيتۋتسيالىق سوتىنىڭ حالىقارالىق كەڭەسشىسى, ەكس-توراعا گەورگي پاپۋاشۆيلي, رەسەي, قىرعىز رەسپۋبليكاسى جوعارى وقۋ ورىندارىنىڭ باسشىلارى, پروفەسسورلارى جانە ت. ب. بار.
دوڭگەلەك ۇستەل بارىسىندا قاتىسۋشىلار كونستيتۋتسيانىڭ نەگىزگى بولىمدەرىنە, ولاردىڭ تۇڭعىش پرەزيدەنت نۇرسۇلتان نازارباەۆتىڭ باسشىلىعىمەن مەملەكەتتىك باسقارۋدا قولدانىلۋى, سونداي-اق ەلباسىنىڭ جاڭا قازاقستاندى قۇرۋداعى رولىنە توقتالىپ, تالداۋ جاسادى.
فورۋمدى العىسوزبەن اشقان كونستيتۋتسيالىق كەڭەستىڭ توراعاسى قايرات ءمامي بيىلعى جىلى نەگىزگى زاڭنىڭ مەرەيتويى كونستيتۋتسيالىق كەڭەستىڭ 25 جىلدىعىمەن تۇسپا-تۇس كەلگەنىن اتاپ ءوتتى. وسى جىلداردا كونستيتۋتسيالىق كەڭەس قىزمەتى كونستيتۋتسيالىق قۇندىلىقتاردى ىسكە اسىرۋعا باعىتتالدى. ونىڭ شەشىمدەرى قازىرگى قازاقستاندىق مەملەكەتتىلىكتىڭ بارلىق قۇرامداس بولىكتەرىن تولىق تۇسىنۋگە جانە ىسكە اسىرۋعا ىقپال ەتتى. وسى كەزەڭدە پەرسپەكتيۆالى باعىتتاردىڭ ءبىرى زاڭداردىڭ كونستيتۋتسيالىعىن تەكسەرۋ تۋرالى ۇسىنىستارمەن بىرگە سوتتاردىڭ كەڭەسكە جۇگىنۋى ينستيتۋتىنىڭ تيىمدىلىگىن ارتتىرۋ بولدى. كونستيتۋتسيالىق قاعيداتتار تۇرعىسىنان زاڭعا تۇسىنىك بەرۋ دە وزەكتى, دەپ ءسوزىن تۇيىندەدى قايرات ءمامي.
ءىس-شارا مودەراتورى يگور روگوۆ قوردىڭ اتقارۋشى ديرەكتورى قانات جۇماباەۆتىڭ ۇندەۋىن وقىدى: «نۇرسۇلتان نازارباەۆ ۇسىنعان دامۋدىڭ ساياسي ۆەكتورىنىڭ يدەولوگياسى مەن ۇلتتىق رۋحاني قۇندىلىقتار ەلىمىزدىڭ نەگىزگى زاڭىندا كورىنىس تاۋىپ قانا قويماي, شىنايى ومىردە تولىق كولەمدە ىسكە اسىرىلدى. ەلباسىنىڭ سىندارلى ساياساتىن ناقتى ۇستانۋىنىڭ, ۇلتارالىق تاتۋلىق پەن كەلىسىمدى, قازاقستاننىڭ اشىقتىعىن جانە حالىقارالىق ىنتىماقتاستىققا دايىندىعىن قامتاماسىز ەتۋگە ۇمتىلىسىنىڭ ارقاسىندا مەملەكەتىمىز جوعارى حالىقارالىق بەدەلگە يە بولىپ, ەلدىڭ اسەرلى دامۋىن قامتاماسىز ەتتى».
ونىڭ ايتۋىنشا, قازاقستان كونستيتۋتسياسىن بۇلجىتپاي ورىنداۋ, سونداي-اق كونستيتۋتسيالىق كەڭەستىڭ ونىڭ باستى ەرەجەلەرىنە سايكەس كەلەتىن زاڭداردىڭ قابىلدانۋىن قامتاماسىز ەتۋگە ناقتى باقىلاۋ جۇرگىزۋى مەملەكەتتىڭ ۇدەمەلى دامۋىنىڭ ماڭىزدى نەگىزىنە اينالدى.
بۇل ويدى ونلاين-كەزدەسۋدىڭ باسقا دا قاتىسۋشىلارى راستادى. ولار كونستيتۋتسيالىق كەڭەس قىزمەتىنىڭ 25 جىل ىشىندە كونستيتۋتسيالىق باقىلاۋ فۋنكتسيالارى ءساتتى ورىندالعانىن اتاپ ءوتتى. «بۇل ازاماتتاردىڭ بىرلىگىن نىعايتۋعا, قۇقىقتارى مەن بوستاندىقتارىن قورعاۋعا ىقپال ەتتى», دەپ اتاپ ءوتتى سپيكەرلەر.
دوڭگەلەك ۇستەلدى تالقىلاۋ كەزىندە ەلىمىزدىڭ نەگىزگى زاڭى قازاقستاننىڭ تاۋەلسىزدىك تاڭىنداعى قاۋىپ-قاتەرلەر مەن قىر كورسەتۋلەرگە شىن مانىندە باتىل «جاۋابى» بولعانى تۋرالى وي باسقوسۋدىڭ نەگىزگى وزەگىنە اينالدى. رەسپۋبليكا قۇندىلىقتاردى, باسىمدىقتاردى ايقىنداپ جانە ولاردى كونستيتۋتسيادا باياندى ەتە وتىرىپ, ءوزىنىڭ دامۋ جولىن تاڭدادى.
شەتەلدىك ساراپشىلار نەگىزگى زاڭنىڭ ىرگەلى نەگىزدەرى بۇگىنگى كۇنى دە مەملەكەتتىڭ قازىرگى جانە بولاشاق جاڭعىرتۋ ۇدەرىستەرىن ىسكە اسىرۋعا قىزمەت ەتەدى دەگەن ويلارىمەن ءبولىستى.
