تولىق قۋاتىندا جۇمىس ىستەگەندە 60 ادامدىق جۇمىس ورنىن اشاتىن الىپ قويمانى جاساۋعا 1,9 ملرد تەڭگە قاراجات جۇمسالعان. جۇمىسشىلاردىڭ دەمالىس ورىندارى ۇيىمداستىرىلعان قويمادا 2 مىڭ توننا كوكونىس جانە 10 مىڭ توننا باسقا دا ازىق- ۇلىك تۇرلەرىن ساقتايتىن ورىندار بار. كەشەننىڭ سىيىمدىلىق اۋماعى 7 مىڭ توننانى قۇرايدى. تەمپەراتۋرالىق جانە ىلعالدىلىق رەجىمدەردى قامتاماسىز ەتەتىن قۇرال-جابدىقتارى دا تولىق. سونىمەن قاتار قويماعا كەلگەن جۇكتەردى ءتۇسىرۋ جانە قايتا تيەپ جىبەرۋ مەرزىمى دە وزىق تەحنيكالار ارقىلى ازايتىلعان. مۇنداي قويمالار الەمدىك ستاندارتتاردا ۆ كاتەگورياسىندا ەكەن, ودان جوعارى تەك ا كاتەگورياسى عانا.
وبلىس اكىمى قۇمار اقساقالوۆ قويمانى ارالاپ كورىپ, وبلىس حالقىن ساپالى ازىق-ت ۇلىكپەن قامتاماسىز ەتەتىنىنە سەنىم ءبىلدىردى. «ەندى ءبىزدىڭ ازىق-ت ۇلىك تاراتۋشى بيزنەسمەندەرىمىز ونى كوتەرمە باعامەن ءبىر-اق جەردەن الادى. الىستان كەلگەن كوكونىستەر مەن جەمىستەر دە الۋشىسىن كۇتىپ كوپ جاتىپ قالماي, تەزىرەك وتەتىن بولادى. بۇل تاۋاردىڭ ساپاسىن جوعالتپاي تۇرىپ تۇرعىندارعا تەزىرەك جەتكىزىلۋىنە قولايلى جاعداي تۋعىزادى. سايىپ كەلگەندە بۇل تۇرعىندارىمىز ءۇشىن دە قولايلى», دەدى ق.اقساقالوۆ.
ازىق-ت ۇلىك ساۋداسىنداعى تاعى ءبىر جەتىستىك – ەندى وبلىستا ۇساق ساۋداگەرلەر مەن دەلدالدار ازايىپ, «رادۋگا», «سولتۇستىك» سكك سياقتى كومپانيالار تاۋاردى ءبىر جەردەن ساتىپ الىپ, بىردەن ساۋدا ورىندارىنا تۇسىرەدى. ءسويتىپ ازىق-ت ۇلىكتىڭ ءبىر قويمادان ەكىنشى قويماعا كوشۋى بارىنشا ازايتىلدى. وسىنىڭ ءوزى بيزنەستىڭ شىعىنىن ازايتىپ, باعانىڭ تۇسۋىنە دە ىقپال ەتۋدە. جاڭا ورتالىقتاندىرىلعان قويما ءوڭىردى جىلدىڭ بارلىق مەزگىلىندە ازىق-ت ۇلىكپەن تولىق قامتاماسىز ەتەتىن بولادى.
سولتۇستىك قازاقستان وبلىسى
