قازىرگى تاڭدا تۇزەۋ مەكەمەلەرىندەگى سوتتالعانداردىڭ باسىم بولىگى شىندىعىنا كەلگەندە الەۋمەتتىك كومەككە مۇقتاج. تۇزەۋ مەكەمەلەرىندە بۇل ماسەلەلەرمەن مەكەمە پسيحولوگتارى اينالىسادى.
«مەكەمە پسيحولوگتارى الدىن الا دياگنوستيكالاۋ جۇمىستارىن كارانتين ءۇي-جايىندا سوتتالعانمەن العاش كەزدەسكەن ساتتەن باستايدى, پروتسەسس بارىسىندا باسىم پروبلەمالاردى جانە ماڭىزدى جەكە تۇلعالىق كەلبەتتەردى انىقتايدى. كارانتين ءۇي-جايىنداعى زەرتتەۋ ۇردىسىندە باسىم ورىن الاتىن تەست تۇرىندەگى جانە جوبالىق ادىستەردىڭ ءار الۋاندىلىعى, دارا ءادىس رەتىندە پسيحولوگيالىق اڭگىمەلەسۋلەر جاتادى, ونىڭ كومەگىمەن ادامنىڭ ومىرىندەگى پسيحولوگيالىق كورىنىستەر تۋرالى دەرەكتەردى الۋعا بولادى. باس بوستاندىعىنان ايىرۋ ورىندارىنا العاش رەت كەلگەن سوتتالعاندار دياگنوستيكالىق زەرتتەۋ ۇردىستەرىنە تەرىس پيعىلمەن قارايدى, كەيبىر كەزدەردە وزدەرىنە قاۋپ توندىرەدى دەگەن ويمەن, تەستىلەۋگە قاتىسۋدان باس تارتىپ جاتادى.
سوندىقتان سوتتالعانداردىڭ پسيحولوگتارمەن كەزدەسكەن كەزدەگى العاشقى اسەرى, ولاردى تەكسەرۋگە جانە الداعى ۋاقىتتا بايلانىس ورناتۋعا ايتارلىقتاي اسەر ەتەدى. كارانتيندەگى العاشقى پسيحولوگيالىق اڭگىمەلەسۋ ارالاس سۇحبات نىسانىندا جۇرگىزىلەدى, سەبەبى مۇنداي سۇحبات جالپى ماعلۇماتتار الۋعا كەڭىنەن مۇمكىندىك تۋعىزادى», دەيدى گم-172/6 مەكەمەسىنىڭ سوتتالعاندار اراسىنداعى تاربيە جانە الەۋمەتتىك-پسيحولوگيالىق جۇمىس ءبولىمى پسيحولوگيالىق قامتاماسىز ەتۋ توبىنىڭ اعا ينسپەكتور-پسيحولوگى كامشات سايپوۆا.
سوتتالعاننىڭ جەكە تۇلعاسىن زەردەلەۋ – قۇقىققا قارسى مىنەز-ق ۇلىقتىڭ الدىن الۋعا, تۇزەۋ مەكەمەلەرىندەگى سوتتالعانداردىڭ جەكە تۇلعاسىنىڭ وڭ جولدى تاڭداۋىنا تابىستى پسيحولوگيالىق جانە پەداگوگيكالىق ىقپال ەتۋدىڭ, مىندەتتى شارتى بولىپ تابىلادى.
پسيحولوگتار فاكتىلەردى ايقىنداۋمەن عانا شەكتەلمەيدى, ولار سوتتالعانداردىڭ جاڭا جاعدايعا ويداعىداي بەيىمدەلۋىنە كومەك كورسەتۋ ماقساتىندا ىقپال ەتۋ شارالارىنا قاتىسادى.
