اقش عالىمدارى دارىلەردى قاتەرلى ىسىك جاسۋشالارىنا تىكەلەي جەتكىزەتىن رەۆوليۋتسيالىق ءتاسىل ويلاپ تاپتى. بۇل تۋرالى يتار-تاسس حابارلادى.
مەديتسينا عىلىمىنداعى جاڭالىقتى ماسساچۋسەتس تەحنولوگيالىق ينستيتۋتى جانىنداعى دەۆيد كوح اتىنداعى قاتەرلى ىسىكتى ينتەگراتيۆتى زەرتتەۋ ينستيتۋتىنىڭ عالىمدارى ەنگىزدى. ولار قاتەرلى ىسىكتى ەمدەۋگە ارنالعان دارىلەردى ەكى قابىقشادان تۇراتىن نانوبولشەكتەردىڭ ىشىنە سالعان. وسى ارقىلى دارىلەردى قاتەرلى ىسىك جاسۋشالارىنا تىكەلەي جەتكىزۋگە مۇمكىندىك تۋعان ەكەن.
ونكولوگيالىق ىسىكتەردى ەمدەۋ وتە قيىن. كوبىنەسە مۇنداي ىسىكتەردەن اعزاعا زيان كەلتىرەتىن اقۋىزدار پايدا بولادى. ولار دارىلەردىڭ قاتەرلى ىسىك پايدا بولعان جەرگە تۇسۋىنە كەدەرگى كەلتىرەدى. وسىلايشا, دارىلەر زاقىمداعان جاسۋشالارعا جەتپەي قالىپ جاتادى. ەندى مەديتسينا قاتەرلى اۋرۋلارمەن كۇرەسۋدىڭ ءتيىمدى ءتاسىلىن تاپقان كورىنەدى.
جاڭا ءتاسىلدى قولدانا وتىرىپ تىشقاندارعا جاسالعان زەرتحانالىق سىناقتاردىڭ ناتيجەسىندە قاتەرلى ىسىكتىڭ بەلسەندىلىگى 80 پايىزعا تومەندەگەن ەكەن. ىسىكتەردىڭ كولەمى سەگىز ەسە كىشىرەيگەن. كەمىرگىشتەردىڭ اعزاسىندا ۋلانۋ دەڭگەيىنىڭ ءوسۋى بايقالمادى.
ايدار ورىسباەۆ.
دەرەككوز: Itar-tass.com
